Tags-Mausam

tum bin ye bahāroñ kā mausam lagtā hai mujhe patjhaḌ kī tarah
tum saath raho to har ik rut mere liye sāvan hotī hai

ek lamhe ko sahī us ne mujhe dekhā to hai
aaj kā mausam guzishta roz se achchhā to hai

chhāñv meñ Dhalā kaise tamāzat bharā mausam
phūloñ se bhī nāzuk mirā paikar huā kaise

ubhre ehsāsāt ke sūraj yādoñ ke mahtāb khule
ġhazloñ kā dīvān suhāne mausam kā aḳhbār huā

hai nok-e-ḳhār meñ kuchh vo to sabza-zār meñ kuchh
ḳhizāñ meñ kuchh hai magar mausam-e-bahār meñ kuchh

ye mausam pāgal puryayyā man mudrā chhalkā.e
bin chiTThī bin paatī ke hī kaash sajan aa jaa.e

har ek rut nahīñ bhātī hamārī āñkhoñ ko
hamārā ḳhvāb bhī mausam suhānā chāhtā hai

shāyad kisī kī yaad kā mausam phir aa gayā
pahlū meñ dil kī tarah dhaḌakne lagī hai shaam

log samjhā kiye mausam hī nahīñ uḌne kā
us kī uzlat kā sabab be-par-o-bālī niklā

tumhāre baal maiñ ne khol kar mausam badal Daalā
fazā meñ duur tak bādal hī bādal kar diyā maiñ ne

kuchh aaise hī mausam meñ use aanā thā shāyad
hai mausam-e-dil phūlne-phalne kī tarah kā

kuchh aaise hī mausam meñ use aanā thā shāyad
hai mausam-e-dil phūlne-phalne kī tarah kā

hameñ ye dukh ki vo aksar ka.ī mausam nahīñ miltā
magar milne kā vaada ham se vo har baar kartā hai

sabz mausam kī ināyat kā bharosā bhī nahīñ
kab uḌā de ye havā jaan ke pattā mujh ko

yuuñ to har mausam ke chehre par numāyāñ haiñ sutūr
ik parinda tak nahīñ lekin havā meñ duur duur

hijr ke phuul meñ hai dard kī baasī ḳhushbū
mausam-e-vasl koī taaza malāl aise meñ

hujūm-e-jalva-o-nairañgī-e-tamannā se
tamām mausam-e-gul mausam-e-havas guzrā

vo adh-khulī khiḌkiyoñ kā mausam guzar gayā to ye raaz jaanā
idhar shanāsā.ī tak nahīñ thī udhar taqāzā hī dūsrā thā

milne kā khilne kā mausam duur nahīñ hai
naḳhl-e-mātam ai mere ashjār na honā

aayā hai abr ghir ke ab aane meñ sāqiyā
tū bhī na der mausam-e-barsāt meñ lagā