Tags-Mausam

mausam bhii kuchh aisaa hai ki Dhalne nahii.n detaa
kuchh tere taraf-daar bhii hai.n shaam-e-alam ham

badalne vaalā hai shāyad mizāj mausam kā
jabīn-e-vaqt ko maiñ pur-shikan sī paatā huuñ

ab is ke ba.ad kā mausam hai sardiyoñ vaalā
tire badan kā koī lams saath rah jaa.e

har saal bahār se pahle maiñ paanī par phuul banātā huuñ
phir chāroñ mausam likh jaate haiñ naam tumhārā āñkhoñ meñ

zard mausam oḌh kar soyā badan
ruuh kī pahnā.iyāñ haiñ aur maiñ

barq thī mausam shagūfoñ kā na thā
shīshe kī saḌkoñ pe dīvāne hue

kitnā achchhā mausam hai bādaloñ ke sañg gungunāne kā
magar dāvat hai kal aur raat kā khānā banānā hai

jaane kis gul ne chaman kī hurmateñ pāmāl kiiñ
mausam-e-fasl-e-bahārāñ bhī ḳhizāñ hone lagā

ai badalte hue mausam ke gurezāñ paikar
aks de jā koī āñkhoñ meñ Thaharne vaalā

guzar ga.e haiñ jo mausam kabhī na ā.eñge
tamām dariyā kisī roz Duub jā.eñge

mausam badal sake na tire intizār ke
ab ke bhī din guzar ga.e yūñhī bahār ke

jo aap aa.eñ to ye faisla bhī ho jaa.e
dikhā.ī detā hai mausam to ḳhush-gavār mujhe

qurbat kī lazzat jaise bārish meñ patthar rakkhā ho
andar sahrā jaisā mausam aur bāhar barsāteñ haiñ

phir vahī mausam purāne ho ga.e
din Dhale sargoshiyāñ suntā huuñ maiñ

gulshan gulshan shāḳh o shajar par roz nasheman jalte haiñ
kis ne kahā thā mausam badlā agle se hālāt nahīñ

be-dard havā.eñ to badan chaaT rahī haiñ
mausam bhī karegā jo koī ghaat safar meñ

bahut be-kār mausam hai magar kuchh kaam karnā hai
ki taaza zaḳhm milne tak purānā zaḳhm bharnā hai

ra.ad ne shor se pukār mastoñ ko ye naved dī
tum ho kidhar ai mai-kasho mausam nā.e-o-nosh hai

nayā mausam dar aayā dasht meñ barg-o-samar jaage
zamānoñ se jo mahv-e-ḳhvāb the qalb-o-nazar jaage

sūraj nikal aayā to vo mausam na rahegā
kuchh der kā mehmāñ hai yahāñ sub.h kā manzar