Tags-Mausam

zindagī ke saare mausam aa ke ruḳhsat ho ga.e
merī āñkhoñ meñ kahīñ barsāt baaqī rah ga.ī

ḳhizāñ ke mausam-e-ḳhāmosh ne sadā dī hai
jamāl-e-dost ne phir bhī mujhe pukārā nahīñ

maiñ vo shaidā-e-gesū huuñ ki aksar mausam-e-gul meñ
mirā pā-e-nazar paḌtā hai zanjīr-e-gulistāñ par

ḳhizāñ kā daur gayā mausam-e-bahār aayā
magar na us dil-e-be-sabr ko qarār aayā

shabāb ho ki na ho husn-e-yār baaqī hai
yahāñ koī bhī ho mausam bahār baaqī hai

hijr kā mausam le kar sūraj niklā hai
barf lipaT kar rotī hai kohsār ke saath

mausam-e-gul kī qasam khā na ḳhudārā bulbul
dekh mausam meñ milā rahtā hai sam do-baTā-chār

ab laakh ḳhizāoñ kā mausam bhī kuchh na guloñ kā kar paa.e
ham ḳhūn-e-jigar se gulshan kā har rañg nikhārā karte haiñ

ab ye terī apnī ḳhushī hai jo tujh ko raas aa.e
ham aa.e to saath apne sab mausam laa.e ham

kaisā vo mausam thā ye to samajh na paa.e ham
shāḳh se jaise phal TuuTe kuchh yuuñ lahrā.e ham

maiñ ās-pās ke mausam se huuñ tar-o-tāza
maiñ apne jhunD se niklūñ to be-samar ho jā.ūñ

mausam kā mujh se koī taqāzā hai dam-ba-dam
be-silsila nahīñ nafas-e-bād kuchh karūñ

har mausam ne tere dar par dastak dī
āḳhirī dastak dene vaalā mujh meñ hai

surḳh mausam kī kahānī to purānī ho ga.ī
khul gayā mausam to saare shahr meñ charchā huā

farsh-e-gul phir bichhā rahī hai nasīm
aa.iye mausam-e-bahār aayā

hijr-o-visāl-e-yār kā mausam nikal gayā
ai dard-e-ishq jaag zamāna badal gayā

badan ke mausam-e-barsāt meñ nahīñ aanā
visāl karnā hai jazbāt meñ nahīñ aanā

zarā mausam badaltā aur phir to
hamāre hijr meñ namnāk hotā

ik qissa guzre mausam kā
ik rasta raushan zīnoñ kā

navāh-e-chashm kā mausam badalnā hai ta.āvun kar
yahī bas ek do hafta hamāre sāmne mat aa