Collections

Lab Shayari

Motivational Ghazals

Best Khamoshi Shayari

More Collections

Tags-Mazi

maazī ne dī sadā.eñ dekhā magar na muḌ kar
ham yuuñ 'habīb' aksar umr-e-ravāñ se khele

fikr-e-jahan se khele zor-e-butan se khele

maiñ to is kī justujū meñ thā guzar aayā magar
dasht-e-māzī der tak bū-e-vafā detā rahā

tha bahut be-dard lekin hausla deta raha

maazī ke har peḌ pe ham ne
mustaqbil ke phal ko dekhā

jal kar jis ne jal ko dekha

kyā tire ḳhvāb ġham-e-hāl ke vīrāne meñ
ab bhī maazī kā fasāna koī dohrāte haiñ

diwali

maazī ko haal karne kī ye bhī hai ik lalak
āvāz tū ne dī hai to ham lauT aa.e haiñ

kya kya na dosti ke janaze uThae hain

maazī haal aur mustaqil ke sab lamhoñ meñ
nayā purānā sab kuchh achchhā ho jā.egā

rafta rafta sab kuchh achchha ho jaega

merī sāñseñ shaam kī bhīgī havā meñ khul ga.iiñ
band kī āñkheñ to maazī kī kitābeñ khul ga.iiñ

meri sansen sham ki bhigi hawa mein khul gain

fardā pe haiñ nazreñ to kabhī haal pe nazreñ
maazī ko magar muḌ ke bhī dekhā nahīñ karte

hum apni mohabbat ka tamasha nahin karte

ahd-e-māzī meñ bhī hai koh-e-nidā jaisā tilism
ye bhī vo āvāz hai muḌ kar jise dekhā na jaa.e

sathiyo jo ahd bandha hai use toDa na jae

bāgeñ khiñchīñ masāfateñ kaḌkīñ faras ruke
maazī kī rath se kis ne palaT kar nigāh kī

ek umr dil ki ghat se tujh par nigah ki

ab bhī mehrāb-e-tamannā meñ kasak maazī kī
shaam hote hī koī sham.a jalā detī hai

zindagi yun bhi kabhi mujhko saza deti hai

mujh ko phir se kitāb-e-māzī meñ
terā chehrā talāsh karnā hai

mal-e-duniya talash karna hai

haal ke sikke ko maazī kā jo sikka dekh le
sau ruupe ke note ke muñh par do annī thuuk de

rishwat

merā maazī mujhe kyā jaane kahāñ chhoḌ gayā
maiñ kahāñ dafn huuñ itnā to batā de koī

be-gunahi ka har ehsas miTa de koi

chalo ye maan liyā ik mahak huuñ maazī kī
magar ye hai ki maiñ asr-e-ravāñ meñ rahtā huuñ

kabhi main chup kabhi harf-e-bayan mein rahta hun

hamīñ haiñ ek jo lipTe haiñ apne maazī se
jahāñ meñ varna sabhī ḳhvāb kal ke dekhte haiñ

nigar-e-paikar-e-farda mein Dhal ke dekhte hain

maazī ke ā.īnoñ pe jilā kaun kar gayā
pesh-e-nigāh phir vahī manzar kahāñ se aa.e

ye hain jo aastin mein KHanjar kahan se aae

barf ehsāsāt kī pighlā sake
vo sharar maazī kī ḳhākistar meñ hai

intishaar-o-KHauf har ek sar mein hai

ab us se baḌh ke bhalā mo'tabar kaheñ kis ko
zamāna us kā hai māzī-o-hāl us ke haiñ

ab us se baDh ke bhala motabar kahen kis ko

yād-e-māzī se ye afsurda sī raunaq dil meñ
āḳhir-e-shab koī darvāza khulā ho jaise

kaam har zaKHm ne marham ka kiya ho jaise