Tags-Mazi

jabīn-e-hāl pe maazī kī talḳh yādoñ ne
sunahrā naqsh banāyā to aañkh bhar aa.ī

ġham-e-fardā kā istiqbāl karne
ḳhayāl-e-ahd-e-māzī aa rahā hai

apne chāroñ or uThā dī maiñ ne dīvāreñ
ik surāḳh magar maazī kā us meñ chhoḌ dayā

dast-e-hālāt pe maktūb sajā kar saare
ahd-e-māzī ke hasīñ baab haiñ taqsīm kareñ

sab ek dhund liye phir rahe haiñ āñkhoñ meñ
kisī ke chehre pe maazī na haal dekhtā huuñ

be-qarār ab huuñ haal meñ filhāl
ḳhuub hī thā qarār maazī kā

zehn par hai savār maazī kā
tazkira baar baar maazī kā

laakh ranjish sahī magar 'kāshif'
us pe hai e'tibār maazī kā

bhuul jā.ūñgā pyaar maazī kā
thā jo dār-o-madār maazī kā

us ke hāthoñ se bikhre to sochā
yaar behtar thā yaar maazī kā

mujhe rah rah ke yaad aatā hai
vahī mausam bahār maazī kā

toḌ kar joḌ kar bhī dekhā hai
saḳht hai par hisār maazī kā

magar ga.ī na mahak mujh se mere maazī kī
nadī kī dhaar meñ sau baar maiñ nahāyā to

ik ajab āmad-o-shud hai ki na maazī hai na haal
'jaun' barpā ka.ī nasloñ kā safar hai mujh meñ

vaqt jab bhī kisī zartāb o hasīñ maazī ke gahnā.e hue
haal se do-chār huā kaañp uThā

vaqt hairān nigāhoñ se mujhe dekhtā hai
dekh kar haal ko shāyad use maazī kā ḳhayāl aatā hai

ret maazī kī mirī āñkhoñ meñ thī
sabz jañgal bhī mujhe sahrā lagā

phir aaj umr-e-guzishta kī yaad aa.ī hai
phir apne maazī kī tasvīreñ dekh kar rakh diiñ

kuchh haal ke andhe sāthī the kuchh maazī ke ayyār sajan
ahbāb kī chāhat kyā kahiye kuchh yaad rahī kuchh bhuul ga.e

ahd-e-māzī ke ḳhush-ā.ind bhaTakte lamhe
vaqt aa pahūñchā hai ab haal kī jāgīr meñ aa