Tags-Mazi

yādoñ ke jhilmilāte sitāre liye hue
maazī kī kahkashāñ se utartī haiñ sīḌhiyāñ

bojh meñ apne hī maazī ke dabā jaatā huuñ
apnī hī aag meñ ab ḳhud hī jalā jaatā huuñ

khaa.e jaatā hai mujhe ab mire maazī kā ḳhayāl
kyā mire jurm kī pādāsh hai is darja muhāl

yahīñ kahīñ tirā maazī bhī saañs letā hai
guzarne vaale bas itnā ḳhayāl kartā jā

tārīḳhoñ meñ guzre maazī kī sūrat
ahl-e-junūñ ke naqsh-e-pā mil jaate haiñ

maazī kī sazā bhugat rahā huuñ
fardā kī sazā kā muntazir huuñ

rahnumāoñ kī har ik baat bajā, par kyā hai
apne maazī se koī aañkh milāne vaalā

bhuul jā 'nāzir' apnā maazī aish-e-guzishta ḳhvāb thā goyā
tere muqaddar meñ hai Thokar tū hai pareshāñ apne vatan meñ

bajā-e-fikr-e-nau raj.at-pasandī aam sheva hai
haqīqat meñ musalmāñ har jagah hai kushta-e-māzī

aaj jab maiñ
apne maazī kā ye murda dafn kar ke aa gayā huuñ

ham ne maazī kā har varaq palTā
ham ko har baat par malāl huā

idhar ye fardā ḳhafā hai mire taġhāful se
udhar ḳhulūs se maazī bulā rahā hai mujhe

vaqt kī ḳhāna-bandī saarī ab ke safar meñ dhuul huī
maazī kaisā haal kahāñ kā fardā pīchhe chhūT gayā

vo ahl-e-qāl kī majlis ye ahl-e-hāl kī majlis
vahāñ jo kuchh thā maazī thā yahāñ jo kuchh hai fardā hai

jahāñ se huuñ yahāñ aayā vahāñ jā.ūñgā āḳhir ko
mirā ye haal hai yaaro na mustaqbil na maazī huuñ

shu.ūr maazī ke karb-o-balā meñ uljhā rahā
sharāb ham bhī purānī talāsh karte rahe

fardā hai intizār meñ sadiyāñ liye hue
maazī ke māh-o-sāl tumhārā shumār kyā

merā maazī ki hai yādoñ kā mazār
apne hāthoñ jise ta.amīr kiyā hai maiñ ne

miTā miTā sā tasavvur hai naaz maazī kā
hayāt-e-nau hai ab is umr-e-rā.egāñ se gurez

zaḳhm maazī ke 'hinā' rahte haiñ har dam taaza
dil ke ik band darīche kī haiñ yādeñ qaidī