Tags-Mazi

irāda kar jo liyā tark-e-ḳhud-kalāmī kā
to yād-e-māzī kā ġham maktiba hī kar Dāleñ

na jaane kyā kare imroz kā ye sannāTā
hamāre maazī kā ik lamha chīḳhtā mil jaa.e

vo maazī jo hai ik majmua ashkoñ aur aahoñ kā
na jaane mujh ko is maazī se kyuuñ itnī mohabbat hai

kis jagah Thahrūñ ki maazī kā sarāpā dekhūñ
apne qadmoñ ke nishāñ par tirā rasta dekhūñ

ruk jā ai kārvān-e-imroz
maazī merā kuchal gayā hai

sub.h aa.egī janāze meñ liye sūraj ko
yād-e-māzī meñ agar raat pighal jā.egī

yād-e-māzī azaab hai yārab
chhīn le mujh se hāfiza merā

ham ko maazī se virse meñ kohna qabreñ, girte malbe aur āseb-zada khañDaroñ ke Dher mile haiñ
vo raushan shab-tāb diye jin se maazī ko nuur milā thā

yād-e-māzī ke sivā paas mire kuchh bhī nahīñ
tū merī jaan vo pahle se zamāne māñge

phuuT paḌīñ mashriq se kirneñ
haal banā maazī kā fasāna

dīvār par lagī huī tasvīr dekhnā
maazī kī dāstān kā ye iqtibās hai

ulaTnā chāhtā huuñ aaj maazī ke varaq maiñ
ki fardā kā darīcha baaz karnā chāhtā huuñ

vaqt ke saath badal jaatā maiñ lekin har pal
merā maazī mujhe ā.īna dikhātā hī rahā

dikhā ke chehra-e-māzī ke ḳhadd-o-ḳhāl tujhe
savāl-e-daur-e-ravāñ lā-javāb kar degā

yād-e-māzī na ḳhvāb-e-mustaqbil
yuuñ huā hai mirā zavāl ab ke

kyuuñ fikr hāl-o-māzī kī kartā hai roz-o-shab
sab us ko iḳhtiyār hai be-iḳhtiyār tū

yaad maazī ke charāġhoñ ko bujhāyā na karo
tum bhī tanhā na raho mujh ko bhī tanhā na karo

tamīz-e-ḳhvāb-o-haqīqat hai shart-e-bedārī
ḳhayāl-e-azmat-e-māzī ko chhoḌ haal ko dekh

dil meñ gaḌ jaatī hai jab sā.at-e-māzī kī salīb
vaqt ruk jaatā hai insān guzar jaatā hai

maiñ bhī na pūchhūñ tum bhī na pūchho
mere maazī kī peshānī