Tags-Mehboob

terī mahbūb nigāhoñ kā payām-e-tajdīd
ik talāfī hī sahī merī tamannā to nahīñ

merī mahbūb ye hañgāma-e-tajdīd-e-vafā
merī afsurda javānī ke liye raas nahīñ

shauq-e-pā-bosī-e-mahbūb thā varna 'sāqib'
sañg-e-dar par koī mauqa thā jabīñ-sā.ī kā

tere bīmār-e-hijr ai mahbūb
na to motī meñ haiñ na ahyā meñ

sulaimāñ ham haiñ ai mahbūb-e-jānī
samajhte haiñ tujhe bilqīs-e-sānī

kitnī mahbūb thī zindagī kuchh nahīñ kuchh nahīñ
kyā ḳhabar thī is anjām kī kuchh nahīñ kuchh nahīñ

kitne mahbūb gharoñ se ga.e kis ko ma.alūm
vāpas aa.e haiñ jo apnoñ meñ ḳhabar kī sūrat

'āsī'-e-giryāñ milā mahbūb se
gul se shabnam jis tarah ro kar mile

tujhe bhī husn-e-mutlaq kā abhī dīdār ho jaa.e
mire mahbūb ke jo rū-ba-rū ik baar ho jaa.e

jhiil ke hoñT pe sūraj kī kiran lahrā.ī
mere mahbūb ke hoñToñ pe hañsī ho jaise

kū-e-mahbūb kī sham.oñ ko ḳhabar hai ki nahīñ
saa.e kis samt barābar ga.e ḳhāmoshī se

ġhazal kī aabrū tum ho ġhazal mujhe mahbūb
shu.ūr-e-fikr ko uslūb-e-ḳhush-numā de do

havā-e-kūcha-e-mahbūb se kahe to kaun
ki ham bhī ārzū-e-nāma-bar meñ rahte haiñ

aage kyā tum sā jahāñ meñ koī mahbūb na thā
kyā tumhīñ ḳhuub bane aur koī ḳhuub na thā

ik siyāsat hai ki hai dair-o-haram kī mahbūb
ik mohabbat hai ki rusvā-e-jahāñ hai yaaro

mere mahbūb vatan tere muqaddar ke ḳhudā
dast-e-āġhyār meñ qismat kī inaañ chhoḌ ga.e

mere mahbūb mire dil ko jalāyā na karo
saaz chheḌā na karo giit sunāyā na karo

Thiik hai ham ik-dūsre ke mahbūb nahīñ
lekin mere dost to ab bhī honā kyā

ab vo mahbūb nahīñ apnā magar dost to hai
us se ye ek ta.alluq hī bahar-sū rakkho

tujhe usī kī qasam hai maulā hai tujh ko mahbūb do jahāñ meñ
vo apne jalve dikhā de mujh ko jo tū nazar se chhupā rahā hai