Tags-Mehboob

jo ghaḌī hai nazar aatī hai mujhe ek pahāḌ
haiñ ġhazab furqat-e-mahbūb kī bhārī rāteñ

hudūd-e-kūcha-e-mahbūb haiñ vahīñ se shurūa
jahāñ se paḌne lagīñ paañv Dagmagāte hue

mere mahbūb des kī galiyo
tum ko aur apne dostoñ ko salām

kahte haiñ āriz-e-mahbūb ki thī raat jo garm
chāñd par os paḌī thī araq-afshāñ ham the

jazba-e-dil ke bahak jaane se rusvā ho ga.e
kūcha-e-mahbūb varna kū-rusvā.ī na thā

ham musībat ke maare mohabbat nahīñ kar sakte
mohabbat agar mahbūb kī bāñhoñ meñ bāñheñ Daale samundar ke kināre chalne kā naam hai

kyā bayāñ rutba-e-a.alā-e-alī ko maiñ karūñ
sair-e-me.arāj kī mahbūb-e-ḳhudā se pahle

garche kuchh rañg us kā kaalā hai
merā mahbūb hai nirālā hai

kisī dildār saa.at meñ kisī mahbūb lahje kā
dikhātī hai tamāsha aur mirī umr-e-ravāñ vo bhī

āb-rū-e-sadaf o zīnat-e-gosh-e-mahbūb
durr-e-nāyāb jo sunte ho vo gauhar maiñ huuñ

kuchh to mujhe mahbūb tirā ġham bhī bahut hai
kuchh terī tavajjoh kī nazar kam bhī bahut hai

sunā jamīl bhī terā jo naam ai mahbūb
hazār jaan se dil banda-e-jamāl huā

gulāboñ ke nasheman se mire mahbūb ke sar tak
safar lambā thā ḳhushbū kā magar aa hī ga.ī ghar tak

mujh ko tashvīsh hai kuchh roz se mere mahbūb
mere andāz-e-tafakkur kī ye pur-ḳhār ravish

nikhre to bane ik tāj-mahal phaile to ḳhushbū aur ġhazal
lekin jo simaTtī hai chāhat mahbūb kā dāman hotī hai

jīvan hai safar 'josh' ye taslīm hai lekin
mahbūb kā ho saath to kyā ḳhuub safar ho

ba-rañg us ke nahīñ mahbūb dil rone ko āshiq ke
sa.ādat ḳhaañ hai laḌkā vaz.a kar letā hai barsātī

ye ishq 'jamīla' kā ai ḳhizr-e-rah-e-ulfat
mahbūb ke jalve ko asrār-e-ḳhudā jaanā

zindagī bhī kisī mahbūb se kuchh kam to nahīñ
pyaar hai us se to phir naaz uThāte rahiye

hameñ kis haath kī mahbūb rekhāoñ meñ rahnā thā
kis dil meñ utarnā thā