Tags-Mehboob

sab se hañs kar milne vaale ham ko kisī se bair nahīñ
duniyā hai mahbūb hameñ aur ham duniyā ko pyāre haiñ

terī mahbūb nigāhoñ kā payām-e-tajdīd
ik talāfī hī sahī merī tamannā to nahīñ

merī mahbūb ye hañgāma-e-tajdīd-e-vafā
merī afsurda javānī ke liye raas nahīñ

rahbān kā qais kā mahbūb hai tū
aur barhaman-o-shaiḳh kā marġhūb hai tū

ab to palkoñ pe sitāre se laraz uThte haiñ
ġham-e-mahbūb kī ye baat kahāñ thī pahle

ghumāyā use ḳhuub akaḌ shaah ne
rakhā us ko mahbūb akaḌ shaah ne

ab itnī band nahīñ ġham-kadoñ kī bhī rāheñ
havā-e-kūcha-e-mahbūb chal to saktī hai

dakan meñ zauq thā zauq-e-suḳhan mahbūb thā tujh ko
hameñ ma.alūm hai mulk-e-dakan mahbūb thā tujh ko

nafrat kī baat karnā gunāh-e-azīm hai
mahbūb ke qarīb to chāhat se baiThiye

tū hī vo phuul hai jo hai mahbūb
patte patte kā Daalī Daalī kā

aalam par jaise chhā.e hoñ mahbūb kī god meñ aa.e hoñ
ab dil kī mohabbat meñ aksar aisī mahviyyat hotī hai

khul rahā thā rū-ba-rū jannat ke gulshan kā chaman
nāznīn mahbūb goyā huur aur ġhilmān the

mahbūb tere hijr meñ kartā huuñ shā.irī
mujh ko kisī Thikāne lagāne kā shukriya

us kī tamsīl hī nahīñ hai 'asad'
merā mahbūb be-misāl to hai

ajmer kī dargāh-e-mua.allā terī jāgīr
mahbūb-e-ilāhī kī zamīñ par tirī tanvīr

mahbūb gar mile to mile vo nasīb se
lutf-o-karam na ho to sitam kī bhī ḳhū na ho

mujh se kis ne ishq kiyā hai kaun mirā mahbūb huā
mere sab afsāne jhūTe saare sher ḳhayālī haiñ

mere mahbūb-e-dil-āvez batā de itnā
mujh se kis shai kī talabgār haiñ terī āñkheñ

ḳhvāb ho jaam ho taara ho ki mahbūb kā dil
TūTne vaalī kisī shai se mohabbat mat kar

aur ek taraf dil lene ko mahbūb bhavayyoñ ke laḌke
har aan ghaḌī gat bharte hoñ kuchh ghaT ghaT ke kuchh baḌh baḌh ke