Tags-Mehboob

ġhaur se paḌh rahā huuñ zamāne tujhe
apne mahbūb ke pahle ḳhat kī tarah

gul ko mahbūb ham-qayās kiyā
farq niklā bahut jo paas kiyā

dil-e-majbūr tū mujh ko kisī aisī jagah le chal
jahāñ mahbūb mahbūba se āzādāna miltā ho

uTTho mire mahbūb murīdoñ ko jagā do
fankār ko iblīs kā paiġhām sunā do

yaar kī nā-mehrbānī par na kiije kuchh ḳhayāl
jo haiñ mahbūb un ke ta.iiñ be-e'tinā.ī chāhiye

har saañs meñ ehsās-e-farāvāñ kī kahānī
ḳhāmoshi-e-mahbūb meñ ik sail-e-ma.ānī

jo bhī terī aañkh ko bhā jā.egā
jān-e-jāñ mahbūb samjhā jā.egā

gul ho mahtāb ho ā.īna ho ḳhurshīd ho miir
apnā mahbūb vahī hai jo adā rakhtā ho

tujh se khelī haiñ vo mahbūb havā.eñ jin meñ
us ke malbūs kī afsurda mahak baaqī hai

rahegā mahbūb jis makāñ meñ to vaañ hī dekheñge us ko jā kar
ġharaz vo jis kā ki naam dil hai ye dhun us ālī-janāb meñ hai

mahbūb haiñ jahāñ tak nahīñ āshnā kasū ke
hote nahīñ haiñ apne kiije hazār apnā

un ko mahbūb kaheñ yā ki raqīb ab apnā
un ko bhī pyaar huā jaa.e hai apnī chhab se

havā.eñ jo guloñ se kheltī thiiñ kal
mire mahbūb kī zulfoñ se kyuuñ uljheñ?

'nazīr' us dilrubā mahbūb chanchal se lagā kar dil
hameñ kahnā paḌā hai dam-ba-dam allāh bismillāh

husn-e-kalām khīñche kyūñkar na dāman-e-dil
is kaam ko ham āḳhir mahbūb kar chuke haiñ

raqs kartā huuñ maiñ udāsī meñ
maiñ ne mahbūb ko nahīñ paayā

ḳhud-numā.ī meñ bhī vo mahbūb hai mastūr hai
dekhte haiñ sab magar pahchāntā koī nahīñ

jo shauq-e-dīd hai muusā kī tarah ek na sun
ki lantarānī-e-ishq hai tarāna-e-ishq

likhte ham to ḳhat-e-mahbūb ko har dam nau-ḳhat
likhne dete jo hameñ dīda-e-giryāñ kāġhaz

jab ba-juz mahbūb ho jaatī hai ojhal kā.enāt
ik maqām aisā bhī jazb-e-shauq kī manzil meñ hai