Tags-Mehboob

aur ek taraf dil lene ko mahbūb bhavayyoñ ke laḌke
har aan ghaḌī gat bharte hoñ kuchh ghaT ghaT ke kuchh baḌh baḌh ke

apne dāman meñ chhupā le mujhe mahbūb mire
mirī bigḌī huī qismat kā sitāra ho jā

din-rāt vo mahbūb mayassar the ki jin kī
zulfeñ alam-e-shām thiiñ ruḳh rashk-e-sahar the

jise na dostī mahbūb aur na pās-e-vafā
us aadmī se hamesha gurez kartā huuñ

apne dilbar ke bulāve pe bahāne kaise
vo to mahbūb hai jab chāhe bulā saktā hai

ham ne maanā chāñd sā raushan tirā mahbūb hai
tū magar us chāñd kī lafzoñ se paimā.ish na kar

qad-e-mahbūb ko shā.er kaheñ sarv
qayāmat kā ye ai 'ātish' nishāñ hai

vasl-e-mahbūb uThā rakkheñge kab tak ki phir
aaj farhād hai tesha kā talabgār uThā

jo hai mahbūb terā shaidā hai
yūsuf aage tirī zuleḳhā hai

vasl-e-mahbūb kī tadbīr sujhā.ī mujh ko
haq-parastī ne aqīdat ne jabīñ-sā.ī ne

bāryāb-e-ḳhalvat-e-mahbūb hai
kyā sharaf hai ārasī ke vāste

vo to vo hai tumheñ ho jā.egī ulfat mujh se
ik nazar tum mire mahbūb-e-nazar to dekho

chand ma.asūm se pattoñ kā lahū hai 'fākir'
jis ko mahbūb kī hāthoñ kī hinā kahte haiñ

ye shahr shahr-e-balā bhī hai kīna-sāz ke saath
nikal chalo kisī mahbūb-e-dil-navāz ke saath

chhā ga.ī mastī badan meñ aur dil par ik surūr
zehn meñ jab baj uThī mahbūb kī paa.il kabhī

saikḌoñ is meñ ga.e mahbūb jā-e-rashk hai
rakhtī hai āġhosh meñ kyā kyā parī-paikar zamīñ

har aadmī ke dil meñ ghar kar rahī hai 'shātir'
mahbūb mehrbāñ hai urdu zabāñ hamārī

ek din aisā bhī qismat se mile jab 'aslam'
raqs kartā huā mahbūb-nagar jā.egā

maiñ huuñ mahbūb añdheroñ kā mujhe hairat hai
kaise pahchān liyā tum ne ujālo mujh ko

sapan kitnā salonā chāhtī thī
tirī mahbūb honā chāhtī thī