Tags-Mehfil

sair kī ham ne jo kal mahfil-e-ḳhāmoshāñ kī
na to begāna hī bolā na pukārā apnā

na dil meñ ghar na jā mahfil meñ yaañ bhī baiThnā mushkil
tire kūche meñ ab zālim kab apne paañv gaḌte haiñ

baḌhe chalo ki thakan to nashe kī mahfil hai
abhī to duur bahut duur apnī manzil hai

na jaane kyuuñ josh-e-girya ab ke bajā.e ghaTne ke baḌh rahā hai
vagarna mahfil se yuuñ to terī maiñ bārhā ashk-bār aayā

mil nahīñ paatī ḳhud apne-āp se fursat mujhe
mujh se bhī mahrūm rahtī hai kabhī mahfil mirī

ai dil kī lagī chal yūñhī sahī chaltā to huuñ un kī mahfil meñ
us vaqt mujhe chauñkā denā jab rañg pe mahfil aa jaa.e

maiñ kahtā thā ki maiñ piitā nahīñ huuñ
sar-e-mahfil tamāshā ho gayā nā

naam ko bhī na kisī aañkh se aañsū niklā
sham.a mahfil meñ jalātī rahī parvāne ko

hamāre hāl-mastoñ ko ḳhabar hone se pahle hī
yahāñ par aur hī kuchh rañg-e-mahfil hone vaalā hai

husn-o-ishq kī taqdīr ik tazād bāham hai
un kī shaam bhī mahfil apnī sub.h bhī tanhā

mahfil mahfil hañstā hai
tanhā.ī meñ royā kar

rafta rafta har police vaale ko shā.er kar diyā
mahfil-e-sher-o-suḳhan meñ bhej ke sarkār ne

mai-kada sunsān ḳhum ulTe paḌe haiñ jaam chuur
sar-nigūñ baiThā hai saaqī jo tirī mahfil meñ hai

ai shahīd-e-mulk-o-millat maiñ tire uupar nisār
le tirī himmat kā charchā ġhair kī mahfil meñ hai

tahī-dastī ne tanhā kar diyā har ek mahfil meñ
bujhī sham.eñ nahīñ rahtī haiñ parvānoñ se vābasta

ashk āñkhoñ meñ bhare us ne bhī dekhā 'zaidī'
aaj mahfil ko ba-andāz-e-digar mere ba.ad

vo bhī the zikr bhī thā rañg-e-ġhazal kā 'shabnam'
phir to maiñ ne sar-e-mahfil vo gul-afshānī kī

milnā safar kā aur bichhaḌnā safar kā hai
duniyā to rahguzār hai mahfil na kah ise

ham ko jo san rahā hai vo muḳhbir sahī magar
mahfil meñ koī gosh-bar-āvāz to milā

ab ke jo vo aa jaa.e to 'ājiz' use le kar
mahfil meñ ġhazal apnī sunāne ke liye aa