Tags-Mehfil

tere hote hue mahfil meñ jalāte haiñ charāġh
log kyā saada haiñ sūraj ko dikhāte haiñ charāġh

us kī mahfil meñ huā thā kabhī apnā bhī guzar
bāteñ kuchh kī thiiñ magar mujh ko dahan yaad nahīñ

ik habs-e-balā-ḳhez garāñ thā so bil-āḳhir
ham sāda-sifat mahfil-e-chālāk se uTThe

nīchī nazreñ hoñ zabāñ band ho ġhairoñ ko salām
un kī mahfil ke to ā.eñge na ādāb mujhe

dete haiñ vo mahfil meñ yuuñ daad 'latīfī' ko
ash.ār ye kyā aksar mub.ham se nahīñ kahtā

tum jo aao to ho javāñ mahfil
varna kab kahkashāñ nahīñ hotī

kal tak jo diye mahfil-e-yārāñ meñ the raushan
aaj un ko sitāroñ meñ chhupā dekh rahā huuñ

jis kī mahfil ko 'ravish' jannat-e-fardā kahiye
kal usī ḳhusrav-e-ḳhūbāñ se mulāqāt huī

jo bhī niklā tumhārī mahfil se
us ko duniyā meñ phir panāh nahīñ

sham-e-mīnā ke nuur suuñ saaqī
mahfil dil meñ raushnā.ī hai

maiñ huuñ sham-e-mahfil-e-jāvedāñ mirī zindagī nahīñ muḳhtasar
maiñ charāġh-e-rāhguzar nahīñ jo bujhā bujhā sā ho shaam se

ham duur se kyā andāza kareñ kyā nāz-o-niyāz-e-ulfat the
parvāne se hone vaalī thī tauhīn-e-mazāq-e-mahfil kyā

ye barq-o-sharar ye shams-o-qamar dete haiñ nishān-e-manzil kyā
ai dost hameñ ho saktā hai andāza-e-rañg-e-mahfil kyā

hāl-e-dil hai koī ḳhvāb-āvar fasāna to nahīñ
niiñd abhī se tum ko ai yārān-e-mahfil aa ga.ī

mahfil-e-ġhair meñ bulvā ke jalāyā ham ko
tum ne ḳhalvat meñ kisī din na hameñ yaad kiyā

mahfil meñ gul-ruḳhoñ ke aayā jo vo parī-rū
ho shakl-e-hairat us kī sūrat rahe vo sab tak

itnā batā de us ke uThāne se fā.eda
tasvīr ban ke jo tirī mahfil meñ rah gayā

kho ga.e kin ḳhayāloñ meñ tum ai 'sahar'
mahfil-e-jān-o-dil to sajā dī ga.ī

mahfil meñ shor-e-qulqul-e-mīnā-e-mul huā
lā sāqiyā pyāla ki tauba kā qul huā

usī ke zikr se mahfil meñ phuul khilte the
vo aa gayā hai to sab aañkh mal ke dekhte haiñ