Tags-Mehfil

agar ye mahfil-e-bint-e-inab hai
to maiñ aisā kahāñ kā pārsā huuñ

vaah fusūn-e-āb-o-gil
dahr hai ik rañgīñ mahfil

kis kī mahfil ko dekheñ
ham tum haiñ ḳhurāk-e-mahfil

kasrat-e-ḳhalq vo mahfil meñ hai terī ik shaḳhs
nahīñ mumkin hai ki yakbār uThe aur baiThe

mahfil ishq meñ jo yaar uThe aur baiThe
hai vo malka ki subuk-bār uThe aur baiThe

añgḌā.iyāñ le le ke uThe sāhab-e-mahfil
kuchh niiñd bhī āñkhoñ meñ hai kuchh mai kā asar bhī

husn hī husn hai mahfil meñ tumhārī lekin
tāb-e-dīdār nahīñ tālib-e-dīdār ke paas

kuchh ḳhud meñ kashish paidā kar lo ki mahfil tum se aañkh bhare
ye chaal baḌe ayyār kī hai ye chaal na ḳhālī jā.egī

lahad meñ kyuuñ na jā.ūñ muñh chhupā.e
bharī mahfil se uThvāyā gayā huuñ

un ko nashsha hai maiñ be-ḳhud huuñ yahī Dar hai mujhe
vo kahīñ haal na pūchheñ sar-e-mahfil merā

ḳhāmushī se aaj suntā kaun hai
shor mahfil meñ machānā sīkhiye

uThne ko to uThā huuñ mahfil se tirī lekin
ab dil ko ye dhaḌkā hai jā.ūñ to kidhar jā.ūñ

zamīñ par baiTh jā ai shaiḳh tū bhī
ye bazm-e-mai tirī mahfil nahīñ hai

aap to ghabrā ga.e betābī-e-dil dekh kar
kyā kaheñge banda-parvar ahl-e-mahfil dekh kar

yuuñ na koī tirī mahfil meñ pareshāñ ho jaa.e
jaise āvāz-e-sabā dasht meñ hairāñ ho jaa.e

un ko jalvat kī havas mahfil meñ tanhā kar ga.ī
jo kabhī hote the apnī zaat se ik anjuman

kyā tujh se bahāna koī kareñ ab koī bahānā yaad nahīñ
ham aa to ga.e mahfil meñ tirī par der se aanā yaad nahīñ

bachte hue sab se aa.e the mahfil-e-zindāñ kī jānib
mil hī ga.e uf ham ko yahāñ bhī kuchh jaane pahchāne log

allāh rī dil-farebī jalvoñ ke bāñkpan kī
mahfil meñ vo jo aa.e kaj ho ga.iiñ kulāheñ

khiḌkī khiḌkī sannāTā hai chilman chilman tanhā.ī
chāhat kī mahfil meñ ab ham naqd-e-dil-o-jāñ laa.eñ kyuuñ