Tags-Mehnat

banā ke mehnat-e-insāñ ko ek qadr-e-buland
zamīñ pe chāñd sitāre bichhā diye ham ne

ye tirā paikar-e-sīmīñ, ye gulābī saarī
dast-e-mehnat ne shafaq ban ke uḌhā dī tujh ko

kitnī mehnat huī ḳhuuñ pasīna huā jism miTTī huā rañg mailā huā
ḳhud to jaltā rahā dozaḳhoñ meñ magar ghar ko jannat banāyā hai tere liye

inhī hairat-zada āñkhoñ se dekhe haiñ vo aañsū bhī
jo aksar dhuup meñ mehnat kī peshānī se Dhalte haiñ

azmat mehnat-o-īsār jabīnoñ se ayaañ
zindagī kitnī dil-āvez-o-dil-ārā hai yahāñ

ab tak mire a.asāb pe mehnat hai musallat
ab tak mire kānoñ meñ mashīnoñ kī sadā hai

na lūTegā koī mehnat kisī kī
milegī sab ko daulat zindagī kī

ye sochā thā hamārā raaj hogā
sar-e-mehnat-kashāñ par taaj hogā

pīr-e-vāmāñda koī
coat pe mehnat kī siyāhī ke nishāñ

ab to hameñ manzūr hai ye bhī shahr se niklīñ rusvā huuñ
tujh ko dekhā bāteñ kar liiñ mehnat huī vasūl miyāñ

apnī mehnat par bharosa hai hameñ
hai nahīñ ḳhvāhish kisī ḳhairāt kī

maiñ ki ek mehnat-kash maiñ ki tīrgī-dushman
sub.h-e-nau ibārat hai mere muskurāne se

miTTī se jab phuul khilā.e kār-e-junūñ kī mehnat ne
shahr kuchh is andāz se phaile jā pahuñche vīrāne tak

jo mehnat se apnī nikālegā paanī
to qadmoñ meñ us ke ye sansār hogā

haqq-e-mehnat un ġharīboñ kā samajhte gar amiir
apne rahne kā makāñ de Dālte mazdūr ko

ghar kī mehnat se mirī raushan hue aivān-e-zar
raushnī honī kahāñ thī aur kahāñ hone lagī

mire banā.e hue but meñ ruuh phūñk de ab
na ek umr kī mehnat mirī akārat kar

munqat'a karte haiñ bāġh-o-shajar-va-shāḳh use
rabt mehnat kā samar se nahīñ jaane vaalā

lutf hī aatā rahā hai sa.ī-e-bātil meñ mujhe
hai yahāñ afsos kis ko mehnat-e-barbād kā

chup hai har zaḳhm-e-gulū chup hai shahīdoñ kā lahū
dast-e-qātil hai jo mehnat kā sila māñge hai