Tags-Mehndi

mazmūn terī zard hinā kā na bañdh sakā
manhad kī machhlī haath meñ aa kar nikal ga.ī

pī ga.ī ḳhuuñ zamīñ hazāroñ kī
muft phir shoḳhi-e-hinā kyā hai

ab paañv musāfir haiñ nafas marhala-e-zīst
ab vaqt ke hāthoñ pe na ḳhuuñ hai na hinā hai

is ḳhushī meñ hinā lagāte haiñ
ki mirā ḳhuuñ bahā.e baiThe haiñ

ye ġhāza hai kājal hai ubTan hai kyā hai
ye rañg-e-hinā dāġh-e-dāman hai kyā hai

roñdī kisī ne pā-e-hinā.ī se merī naash
thī zindagī meñ mujh ko jo bū-e-hinā pasand

zulf ko dast-e-hinā.ī se jo chhūtā hai vo shoḳh
to giraftār vahīñ dard-e-hinā hotā hai

masl-e-hinā hai ġhair kī hāthoñ mire bahār
sarsabz agarche hoñ chaman-e-rozgār meñ

vo ek baat hai kahiye tulū-e-sub.h-e-nashāt
ki tābish-e-badan o shola-e-hinā kahiye

na bāñdho sher meñ duzd-e-hinā kā ai 'qalaq' mazmūñ
kahegā yaar shoḳhī se ye hai mazmūn chorī kā

is adā se baaḌh dekhī aap ne talvār kī
tā.ir-e-rañg-e-hinā bhī tā.ir-e-bismil huā

us lab kā liyā bosa na kabhū haihāt na lipTā pāvoñ se
dil tujh se ba-rañg-e-pān-o-hinā ye bhī na huā vo bhī na huā

kahā thā kis ne ki lākhoñ ke dil karo pāmāl
jo kah rahe ho ki laale paḌe hinā ke mujhe

hinā ye kahtī hai un se sunā sunā ke mujhe
nahīñ shahīdoñ meñ milnā lahū lagā ke mujhe

hinā ye kahtī hai lo be-zabān pā ke mujhe
jab aa.e aap ga.e choriyāñ lagā ke mujhe

ye haath bāñdh ke kahtā hai dil ke zaḳhm kā chor
huzūr yaad haiñ sab hathkañDe hinā ke mujhe

hatheliyoñ par na rach sakī vo
jo naam likkhā tirā hinā se

mirī hathelī meñ likkhā huā dikhā.ī de
vo shaḳhs mujh ko ba-rañg-e-hinā dikhā.ī de

dekhte rañg-e-hinā jaate haiñ maqtal kī taraf
haath meñ teġh nahīñ ḳhanjar-e-faulād nahīñ

ham ne har daur meñ mehnat ke sitam jhele haiñ
ham ne har daur ke hāthoñ ko hinā baḳhshī hai