Tags-Mehndi

kyūñki ham ḳhuun na ro.eñ shab-e-īd
yaar mashġhūl-e-hinā-bandī hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

pā tak bhī dastaras na ho mujh ko ye rashk hai
aur tere haath meñ rahe qātil hinā lagī

chorī se us ke paañv tak pahuñchī thī shab ko kis tarah
aa kahīñ haath mat bañdhā kah de ab ai hinā ki yuuñ

mahkā hai gul-e-ḳhūn-e-vafā jāniye kyā ho
jaltī hai koī sham-e-hinā jāniye kyā ho

mire hāthoñ meñ ḳhuun malo to zarā tumhīñ dekho to rañg dikhātā hai kyā
karo aaj numūd-e-shahīd-e-adā tumheñ shoḳhi-e-rañg-e-hinā kī qasam

aah vo vālid-e-be-zar kī javāñ beTī ke
suune hāthoñ ke liye rañg-e-hinā māñge hai

garm rātoñ meñ ḳhunuk zau kī paḌe dil pe phuvār
surḳh hāthoñ kī koī sham-e-hinā aane de

na de tū haath se huuñ zo.af se maiñ rañg-e-hinā
havā-e-shauq-e-fanā meñ jahāñ uḌā na milā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

juuñ hinā apne vo qadmoñ se na lagne deñge
is tamannā meñ agar ḳhaak meñ ral jā.ūñgā

kyuuñ na tujh ko hinā se ho raġhbat
yuuñ koī aur pā.emāl to ho

vo kuchh rañg lā.eñge roz-e-visāl
hinā un ko dekhā hai malte hue

tā-hadd-e-nazar phail gayā rañg fazā meñ
ḳhush-rañg vo tahrīr-e-hinā mere liye hai

chheḌtī hai mujhe bebāki-e-ḳhvāhish kyā kyā
jab kabhī haath vo pāband-e-hinā hote haiñ

dikhā.e mo.ajaze gar vo but-e-ayyār chuTkī meñ
to bole tā.ir-e-rañg-e-hinā har baar chuTkī meñ

raat jab guzrī to phir sub.h hinā-rañg huī
āsmāñ jaagī huī aañkh kī laalī niklā

shāḳh-e-nazar pe dahkā
barg-e-hinā kā shola

āzmā.eñ lahū ko rañg-e-hinā
khul gayā der-pā nahīñ hotā