Tags-Ahbaab

ham to the mutma.in ki ye ahbāb
kab hamāre ḳhilāf bolte haiñ

bātoñ se sivā hotī hai kuchh vahshat-e-dil aur
ahbāb pareshāñ haiñ mire tarz-e-amal se

dost-ahbāb bhī be-gāne nazar aate haiñ
kaash ik shaḳhs ko itnā bhī na chāhā hotā

'akbar' shāyad dil kho baiThe vo jalse vo ahbāb nahīñ
tanhā ḳhāmosh se phirte haiñ har vaqt udaas se rahte haiñ

sunā hai jab se maiñ ḳhalvat-guzīñ huuñ kuchh ahbāb
mirī talāsh meñ haiñ marg-e-nā-gahāñ kī tarah

vahī nahīñ thā jise dil talak rasā.ī thī
ki yuuñ to majma-e-ahbāb mere sāmne thā

mohabbat ke chaman meñ majma-e-ahbāb rahtā hai
na.ī jannat isī duniyā meñ ham ābād karte haiñ

biis aur ikkīs ko ahbāb se
charḳh-e-nā-hanjār kī bāteñ karo

un pe zindāñ kī fasīloñ ko bhī pyaar aatā hai
jo chale aate haiñ ahbāb ke pīchhe pīchhe

aaj kis aalam meñ haiñ ahbāb mere
aañkh meñ tāb-o-tab o nam kuchh nahīñ

jin kī jādū-asarī tāna-e-ahabāb banī
vo tilismāt likhe harf-o-bayāñ dekhe haiñ

ab ahl-e-dil haiñ ki nāyāb hote jaate haiñ
ġhubār-e-ḳhātir-e-ahbāb hote jaate haiñ

mujh ko manzūr hai marne pe subuk-bārī ho
aur ahbāb ko hai fikr kafan bhārī ho

abhī mazār par ahbāb fātiha paḌh leñ
phir is qadar bhī hamārā nishāñ rahe na rahe

'amīr' jamā haiñ ahbāb dard-e-dil kah le
phir iltifāt-e-dil-e-dostāñ rahe na rahe

nikalte haiñ mire ahbāb bach kar
mohabbat bhī siyāsat ho ga.ī hai

saath ahbāb nibhāte haiñ isī tarah 'majīd'
dam nikalne ko hai āñkheñ khulīñ aġhyār mile

shikva zabāñ pe phuul se ahbāb kā ġhalat
ai dost mujh ko to gila-e-ḳhār bhī nahīñ

is vahm se ki niiñd meñ aa.e na kuchh ḳhalal
ahbāb zer-e-ḳhāk sulā kar chale ga.e