Tags-Ahbaab

aate haiñ ayādat ko to karte haiñ nasīhat
ahbāb se ġham-ḳhvār huā bhī nahīñ jaatā

mere ahbāb mujhe kahte haiñ ai jān-e-azīz
tū yahāñ tanhā añdheroñ se ulajhtā kyā hai

kuchh to ahbāb kaam ā.eñge
kashti-e-shauq ke Dubone ko

batā.ūñ kis tarah ahbāb ko āñkheñ jo aisī haiñ
ki kal palkoñ se TuuTī niiñd ki kircheñ sameTīñ haiñ

az-bas-ki hai āñkhoñ meñ ḳhumār us ghaḌī saaqī
mai māñge hai tujh se jo har ahbāb kī gardish

vo din kyā bā-halāvat the ki ahbāb
muāfiq the baham juuñ shakkar-o-shīr

kahīñ raḳhna zarūr ahbāb kī sāzish meñ thā 'saifī'
ki ham phir halqa-e-girdāb se bach kar nikal aa.e

baiThe ho 'azīz' apne aise ahbāb kī rañgīñ mahfil meñ
tauba ke tasavvur se pahle īmāñ ke ḳhalal kī baat karo

gila shikva hasad kiina ke tohfe merī qismat haiñ
mire ahbāb ab is se ziyāda aur kyā deñge

aañsū puchh.enge kab tak ahbāb
Tapkā na rukegā chashm-e-tar kā

merī taraf bhī chashm-e-karam ahbāb kabhī farmā.eñge
un se ye ummīd lagā.e ek zamāna biit gayā

mere dushman tere dost
donoñ ke ahbāb judā

ḳhud hī 'ejāz' apnā dushman huuñ
sirf ahbāb ho gayā huuñ maiñ

vo ulfat dost hoñ nāseh duā hī dil se niklī hai
agar dushman ke ghar bhī majma-e-ahbāb dekhā hai

'jāved' ajab ahbāb tire karte haiñ ye zaa.e.a vaqt tirā
haiñ ilm se kosoñ duur magar phir bhī hai tavālat bātoñ meñ

rūdād-e-tīra-baḳhtī-e-ahbāb kyā kaheñ
un ke liye sahar bhī tulū-e-sahar na thī

ḳhuftagān-e-ḳhāk kitnā be-mahal so.e ki ab
majma-e-ahbāb ik ḳhvāb-e-pareshāñ ho gayā

ahbāb jo karte haiñ karam haal pe mere
kahtā hai junūñ aa.iye chal baiTheñ kahīñ aur

mujh se ye pūchh rahe haiñ mire ahbāb 'azīz'
kyā milā shahr-e-suḳhan meñ tumheñ shohrat ke sivā

ahbāb kī bāñhoñ kā nasha aur hai lekin
tū ne kabhī dushman se lipaT kar nahīñ dekhā