Tags-Mohabbat

phir bhī tere liye āvāra-e-ġhurbat hai 'ravish'
garche shāyān-e-mohabbat hai na milnā terā

jab dil se dil mil jaatā hai vo daur-e-mohabbat aah na pūchh
kuchh aur hī din ho jaate haiñ kuchh aur hī rāteñ hotī haiñ

kyuuñ yaad 'shamīm' aa jaate haiñ vo apnī mohabbat ke lamhe
jab ishq ke qisse suntā huuñ jab husn kī bāteñ hotī haiñ

ye mohabbat ke mahal ta.amīr karnā chhoḌ de
maiñ bhī shahzāda nahīñ huuñ tū bhī shahzādī nahīñ

jise paḌhā nahīñ tum ne kabhī mohabbat se
kitāb-e-zīst kā vo baab haiñ mire aañsū

vo mohabbat jise ham bhuul chuke barsoñ se
us kī ḳhushbū hī bataur ek nishānī de de

ajiib huuñ ki mohabbat shanās ho kar bhī
udaas lagtā nahīñ huuñ udaas ho kar bhī

nikāle jā.eñge ahl-e-mohabbat
ab is mahfil meñ begāne raheñge

vo sar se paañv talak chāhatoñ meñ Duubā thā
vo shaḳhs kyā thā mohabbat kā isti.āra thā

sar rakhte haiñ sar meñ nahīñ saudā-e-mohabbat
dil rakhte haiñ dil meñ koī armāñ nahīñ rakhte

ghar kar ga.iiñ dil meñ vo mohabbat kī nigāheñ
un tīroñ kā zaḳhmī huuñ jo paikāñ nahīñ rakhte

ik manzar-e-fareb-e-mohabbat hai pyaar hai
chehre batā rahe haiñ diloñ meñ ġhubār hai

mohabbat se tarīq-e-dostī se chaah se māñgo
mire sāhab kisī se dil jo māñgo raah se māñgo

hai mohabbat to bas mohabbat hai
jiit jaatī hai ab yā hārtī hai

ḳhudā kahtā hai bandoñ se
mujhe tum se mohabbat hai

tumheñ maiñ kaise samjhā.ūñ
mujhe tum se mohabbat hai

bhulā sakeñge abad tak na ahl-e-dard mujhe
jahān-e-ishq-o-mohabbat meñ lā-zavāl huuñ maiñ

yuuñ to hote haiñ mohabbat meñ junūñ ke āsār
aur kuchh log bhī dīvāna banā dete haiñ

mohabbat kā un ko yaqīñ aa chalā hai
haqīqat bane jā rahe haiñ fasāne

jaisī bhī guzartī hai ai 'rāz' guzartī hai
āġhāz-e-mohabbat hai anjām meñ kyā hogā