Tags-Mohabbat

vo pal ki jis meñ mohabbat javān hotī hai
us ek pal kā tujhe intizār hai ki nahīñ

dekhnā tār-e-mohabbat ki hai mushkil phir sāñTh
rishta-e-dostī ai 'lutf' kabhū TuuT gayā

yuuñ apnī tamannā muztar hai yuuñ apnī mohabbat vīrāñ hai
kāñTe se bichhe haiñ har jānib palkoñ se uThānā paḌtā hai

jab chāñdnī shab meñ yaad kisī zālim kī nahīñ jiine detī
phir rāz-e-mohabbat ghabrā kar tāroñ se batānā paḌtā hai

mañjdhār meñ apne hāthoñ se 'tasnīm' Dubo kar aah yahāñ
nākām mohabbat kashtī ko phir paar lagānā paḌtā hai

zarā sī baat par nārāz honā ranjisheñ karnā
mohabbat meñ use aatā nahīñ gunjā.isheñ karnā

tumhārā naam liyā thā kabhī mohabbat se
miThās us kī abhī tak mirī zabān meñ hai

aaj bhī hādsa-e-dard-e-mohabbat kī qasam
pyaar jab koī baḌhātā hai to ro lete haiñ

jaane kis zaḳhm-e-mohabbat kā ḳhayāl aatā hai
pyaar se koī bulātā hai to ro lete haiñ

ye jī meñ hai ki sarāpā vo naġhma ban jā.ūñ
ki jis ko tujh se mohabbat ho gungunā.e mujhe

jo guzrī mujh pe mat us se kaho huā so huā
balā-kashān-e-mohabbat pe jo huā so huā

is rāh-e-mohabbat meñ tū saath agar hotā
har gaam pe gul khilte ḳhushbū kā safar hotā

mohabbat meñ bhalā kyā aur hotā
mirā ye dil tumhārā ho gayā hai

nafrat se bachā kar tū ulfat ko sajā dil meñ
paiġhām mohabbat kā har baar diye jaanā

visāl-e-yār se pahle mohabbat
ḳhud apnī zaat kā ik rāstā hai

mohabbat āḳhirī hal hai hamāre sab masā.il kā
magar ham ne to nafrat ke sañpole dil meñ paale haiñ

dil qanā.at zarā sī kartā to
har mohabbat thī āḳhirī merī

ek nākām mohabbat mirā sarmāya hai
aur kyā ḳhaak dafīne meñ liye phirtā huuñ

ye mohabbat to shai hī aisī hai
aap bhī apnā fā.eda dekheñ

sahar bhī hogī nasīm-e-sahar bhī gā.egī
magar ye raat mohabbat charāġh zahr ke jaam