Tags-Mohabbat

maiñ ne har ek lamhe ko chāhā hai TuuT kar
thā zindagī-parast mohabbat-shanās thā

tumheñ dekheñ nigāheñ aur tum ko hī nahīñ dekheñ
mohabbat ke sabhī rishtoñ kā yuuñ nādār ho jaanā

ye ḳhulūs-o-mohabbat kī zanjīr thī
jis ne kar Daalā us ko giraftār sā

ye tūfān-e-havādis aur talātum baad o bārāñ ke
mohabbat ke sahāre kashti-e-dil hai ravāñ ab tak

vafā-dārī ġhanīmat ho ga.ī kyā
mohabbat bhī muravvat ho ga.ī kyā

zarā īmān-dārī se batāo
hameñ tum se mohabbat ho ga.ī kyā

ham mohabbat ke liye ḳhaak uḌā.eñ
log galiyoñ meñ tamāshā dekheñ

mohabbat kā shikasta-pan nazar kyā aa.e bāhar se
ye dīmak to badan ko chāTtī rahtī hai andar se

hassās banā Daalā mujhe had se ziyāda
aur is pe mohabbat ne diyā sher kā fan bhī

teġh-e-sitam se us kī mirā sar judā huā
shukr ḳhudā ki haq mohabbat adā huā

na jaao kār-e-mohabbat meñ chhoḌ kar tanhā
zarā sā haath baTā lo ḳhudā kā ḳhauf karo

kuchh qatra-e-mai uupar uupar phir dard hī dard andar andar
āġhāz-e-mohabbat ḳhuub magar anjām se bachnā mushkil hai

ye haal mirā merī mohabbat kā sila hai
jo apne hī dāman se bujhā ho vo diyā huuñ

isī havā meñ mohabbat kā diip jaltā hai
isī jahāñ ko jahān-e-visāl kar dekho

ai nasīm-e-saharī bū-e-mohabbat le aa
turra-e-yār satī itr kī mahkār kuuñ khol

mohabbat hī agar tujh ko na raas aa.ī to kyā hogā
tire ġham meñ tabī.at merī ghabrā.ī to kyā hogā

bahut saudā rahā vaa.iz tujhe nār-e-jahannam kā
maza soz-e-mohabbat kā bhī kuchh ai be-ḳhabar jaanā

chaman-zār-e-mohabbbat meñ usī ne bāġhbānī kī
ki jis ne apnī mehnat ko hī mehnat kā samar jaanā

ye tark-e-mohabbat nahīñ un se magar ai dost
rañj aisā hī pahuñchā hai ki maiñ kuchh nahīñ kahtā

bahut dushvār thī rāh-e-mohabbat
hamārā saath dete ham-safar kyā