Tags-Mohabbat

tirī ḳhātir ka.ī sachchā.iyoñ se kaT ga.e rishte
mohabbat meñ to ye tark-e-nasab hotā hī rahtā hai

ek terā hī tabassum to na thā vaj.h-e-sukūñ
mere aañsū bhī mohabbat meñ bahut kaam aa.e

us ne ik ḳhaas tanāsub se mohabbat bāñTī
mere hisse meñ hamesha hī dilāse aa.e

ḳhudā ko bhī nahīñ dil māntā hai
mohabbat hī mohabbat jāntā hai

ai mohabbat ik āḳhirī āvāz
phir to hai umr bhar kā sannāTā

jo dil ki mubarrā ho mohabbat se jahāñ kī
us dil ko dilā yaar kā kāshāna samajhnā

sabhī ko mohabbat meñ hote haiñ sadme
abhī kyā abhī imtihāñ aur bhī haiñ

jab dil hī nahīñ hai pahlū meñ phir ishq kā saudā kaun kare
ab un se mohabbat kaun kare ab un kī tamannā kaun kare

ham rasm-e-vafā ko mānte haiñ ādāb-e-mohabbat jānte haiñ
ham baat kī tah pahchānte haiñ phir aap ko rusvā kaun kare

sahrā ko chhoḌ deñ to kahāñ jā ke ye raheñ
āvārgān-e-ishq-o-mohabbat kā ghar bhī hai

abas hai justujū bahr-e-mohabbat ke kināre kī
bas is meñ Duub marnā hī hai ai dil paar ho jaanā

tum bahr-e-mohabbat ke kināre pe khaḌe the
tum ne mirī āñkhoñ meñ samundar nahīñ dekhā

nahīñ ye rasm-e-mohabbat ki ishtibāh karo
kiyā hai ishq to har haal meñ nibāh karo

nā-shanāsān-e-mohabbat kā gila kyā ki yahāñ
ajnabī vo haiñ ki thī jin se shanāsā.ī bhī

dimāġh de jo ḳhudā gulshan-e-mohabbat meñ
har ek gul se tire pairahan kī bū aa.e

mohabbat ek taraf se mazā nahīñ detī
kuchh iztirāb tujhe ho kuchh iztirāb mujhe

dekhā hai mohabbat meñ barbād hue kitne
ham dil ko bachāte hai bīmār nahīñ karte

tūfān koī aa.e is rāh-e-mohabbat meñ
is dil ko kabhī apne bezār nahīñ karte

baap kī DaañT bhī mujh ko aisī milī jaise maañ kī mohabbat kī misrī Dalī
qufl dil kī tijorī ko maiñ ne kiyā aur mahfūz ye māl-o-zar kar liyā

bāzār-e-mohabbat ke tājir haiñ sitam-pesha
ai 'bāno' tirī qīmat lagtī huī lagtī hai