Tags-Mohabbat

tum jis ko samajhte ho ki hai husn tumhārā
mujh ko to vo apnī hī mohabbat nazar aa.ī

nāseh kī na maiñ mānūñ hamdam kī na kuchh samjhūñ
is ishq-o-mohabbat meñ ḳhud-ārā.ī hai aur maiñ huuñ

jahāñ pe phuul khiltā hai sañvartā hai bikhartā hai
usī shāḳh-e-mohabbat pe kalī mālūm hotī hai

us mohabbat kā burā ho ishq meñ
chaar din bhī to na ham shādāñ rahe

lahū dil kā na hogā ḳhatm jab tak
mohabbat zindagī paatī rahegī

vo jin kī ḳhū se kal ik abr-e-tar ḳhvāb-e-mohabbat thā
unhī ko rakh diyā phir kyuuñ khule hāthoñ se mal-dal kar

mohabbat se jo pesh aa.e koī ho dost yā dushman
hameñ to har kisī kā banda-e-be-dām ho jaanā

ḳhudā jaane ki kyā hotā ma.aal apnī mohabbat kā
bahut achchhā huā āġhāz meñ anjām ho jaanā

jahāñ dekho vahāñ kuchh zikr hai apnī mohabbat kā
burā hai aadmī ke vāste badnām ho jaanā

ta.alluqāt chaTaḳhte haiñ TuuT jaate haiñ
jab ham ḳhulūs-o-mohabbat ko āzmāte haiñ

koī adā to mohabbat meñ paa.ī jaatī hai
ki jis pe jaan kī baazī lagā.ī jaatī hai

mohabbat meñ ilzām kyā dil ko duuñ
ye gumrāh thā mujh ko kyā ho gayā

abhī visāl ke zaḳhmoñ se ḳhuun ristā hai
abhī ḳhafā hai mohabbat kā devtā mujh se

Darā rahī thī mujhe aur Dar liyā maiñ ne
phir ek roz mohabbat kā sar liyā maiñ ne

sharh-e-andoh-e-mohabbat pe tabassum kaisā
ye koī zāviya-e-lutf-o-karam ho to kaho

ye pher mohabbat ke tauba ā.īn-e-jafā bhī aam nahīñ
qātil kī chhurī par ḳhuuñ to hai qātil pe magar ilzām nahīñ

āñkhoñ ke gulābī Doroñ meñ ik kaif sā paayā jaatā hai
mai-ḳhvār-e-mohabbat hosh meñ aa saaqī kī nazar hai jaam nahīñ

us sañg-dil se ham ko mohabbat kī aas hai
sūraj se chāhte haiñ hameñ chāñdnī bhī de

mohabbat kā jahāñ hai aur maiñ huuñ
mirā dārul-amāñ hai aur maiñ huuñ

usī kā naam ho shāyad mohabbat
koī bār-e-girāñ hai aur maiñ huuñ