Tags-Mohabbat

ḳhulūs-e-mehr-o-vafā pyaar aur mohabbat se
badal ke dekhiye duniyā badal bhī saktī hai

sochnā is baab meñ bekār jā.egā tirā
ye mohabbat hai miyāñ us kā alag aa.iin hai

ab mohabbat kī taraf maiñ lauTne vaalā nahīñ
dil ye tū ne Thiik samjhā aisā hī kuchh scene hai

koī har maraz kī davā bāñTtā hai
ḳhulūs-o-mohabbat vafā bāñTtā hai

mohabbat tark kī maiñ ne garebāñ sī liyā maiñ ne
zamāne ab to ḳhush ho zahr ye bhī pī liyā maiñ ne

apnī mohabbat ke haañ karne
chhup ke nikāh ke do boloñ par ḳhush hone aur

kahānī mohabbat kī kuchh bhī nahīñ
banātī hai is ko vafā ḳhūbsūrat

mausam kā ishāra hai ḳhush rahne do bachchoñ ko
ma.asūm mohabbat hai phūloñ kī ḳhatāoñ meñ

ek sohnī hī nahīñ Duubī mirī bastī meñ tū
har mohabbat kā muqaddar sāneha paanī kā hai

ho ruuh ke ta.iiñ jism se kis tarah mohabbat
taa.ir ko qafas se bhī kahīñ ho hai mohabbat

gañvā dī izzat-e-sādāt 'muftī'
mohabbat meñ nigāheñ chaar kar ke

be-mahrī-o-be-gāñgī-o-jor-o-taġhāful
ham aisī mohabbat ke parastār nahīñ haiñ

jaan kī shart hai mohabbat meñ
itnī sī baat baat hī kyā hai

taqdīr kī gardish kyā kam thī is par ye qayāmat kar baiThe
be-tābi-e-dil jab had se baḌhī ghabrā ke mohabbat kar baiThe

ma.alūm jo hotā hameñ anjām-e-mohabbat
lete na kabhī bhuul ke ham nām-e-mohabāt

majbūr-e-mohabbat kī hālat begāna-e-ulfat kyā jaane
ham ġhairoñ ke ta.ane sunte haiñ aur sun kar chup rah jaate haiñ

saḳht jān-levā hai sādgī mohabbat kī
zahr kī kasauTī par zindagī ko kastī hai

ajab haiñ khel mohabbat kī be-niyāzī ke
ki aag bujh bhī chukī hai sharār baaqī hai

mohabbat ko rusvā kiyā chāhtā huuñ
nazar mahram-e-iltijā chāhtā huuñ

dil ke āñgan meñ jo dīvār uThā lī jaa.e
ek khiḌkī bhī mohabbat kī banā lī jaa.e