Tags-Mohabbat

mohabbat tarz-e-paivand-e-nihāl-e-dostī jaane
davīdan resha saañ muft-e-rag-e-ḳhvāb-e-zuleḳhā hai

asar soz-e-mohabbat kā qayāmat be-muhābā hai
ki rag se sañg meñ tuḳhm-e-sharar kā resha paidā hai

chhupeñge kyā asīrān-e-balā sahrā ke dāman meñ
mohabbat daam kī phir khīñch kar lā.egī gulshan meñ

bharpūr mohabbat kā elaan mukammal hai
us nīm-nigāhī kā farmān mukammal hai

turfa shatrañj-e-mohabbat kī hai ġhā.eb baazī
shātir-e-ishq ko ho rahtī haiñ māteñ dil meñ

tumhārī shart-e-mohabbat kabhī vafā na huī
ye kyā huī tumhīñ kah do agar jafā na huī

kisī kī rāh-e-mohabbat meñ baḌhtā jaatā huuñ
na rāhzan se ġharaz hai na rāhbar se mujhe

fitrat merī ishq-o-mohabbat qismat merī tanhā.ī
kahne kī naubat hī na aa.ī ham bhī kisū ke ho leñ haiñ

uḌā hai rafta rafta rañg tasvīr-e-mohabbat kā
huī hai rasm-e-ulfat be-viqār āhista āhista

zaḳhm hī zaḳhm mohabbat haiñ mire dil meñ agar
sochtā huuñ ki bayāñ kaise ye rūdād karūñ

dil azal hī se hai maa.il jo hasīnoñ kī taraf
kyuuñ mohabbat ke gharoñdoñ ko maiñ barbād karūñ

mohabbat ġhair-fānī hai maraz hai lā-davā merā
ḳhudā kī zaat baaqī hai mohabbat hai ḳhudā merā

haq merī mohabbat kā adā kyuuñ nahīñ karte
tum dard to dete ho davā kyuuñ nahīñ karte

bharā ho dil hasad se to nazar kuchh bhī nahīñ aatā
maiñ nafrat meñ adāvat meñ mohabbat ko milā luuñ kyā

be-samjhe-būjhe mohabbat kī ik kāfir ne īmān liyā
ab aaTh aaTh aañsū rote haiñ kyuuñ dil kā kahnā maan liyā

hoñToñ pe banāvaT kī vo hañsī fariyād kā aalam sāñsoñ meñ
zālim kī mohabbat chhup na sakī jis ne dekhā pahchān liyā

mohabbat tark kī maiñ ne garebāñ sī liyā maiñ ne
zamāne ab to ḳhush ho zahr ye bhī pī liyā maiñ ne

mohabbat kā taqāza bas mohabbat hī mohabbat hai
mohabbat meñ zamāne kā taqāza kaun dekhegā

paḌhūñ tum ko mohabbat goshe goshe meñ nazar aa.e
lifāfa khol kar ye ḳhatt-e-sāda kaun dekhegā

jilau meñ tābish-e-qindīl-e-āgahī le kar
bujhā diye haiñ mohabbat ne ahrman ke charāġh