Tags-Mohabbat

ye jurm-e-mohabbat nahīñ vaa.iz kā muqaddar
ye bār-e-gunāh ham se gunahgār uThā.eñ

pahlā sā vo junūn-e-mohabbat nahīñ rahā
kuchh kuchh sambhal ga.e haiñ tumhārī duā se ham

koī us sitamgar ko āgāh kar de ki baaz aa.e āzār dene se jhaT-paT
udhar kī idhar aaj hotī hai duniyā marīz-e-mohabbat badaltā hai karvaT

bahut kuchh chhupāyā bahut kuchh bachāyā magar pesh-bañdī na kuchh kaam aa.ī
kiye ḳhanjar-e-nāz ne chaar TukḌe bil-āḳhir huā dil mohabbat meñ chaupaT

mohabbat meñ ye jhiḌkiyāñ bhī abas haiñ ye har vaqt kī dhamkiyāñ bhī abas haiñ
karam ho ki mujh par sitam ho tumhārā na uTThūñgā dar se na chhoḌūñgā chaukhaT

mohabbat ke raste meñ ai shauq-e-manzil milegā ajab lutf pā-e-talab ko
udhar ḳhaar haiñ aur idhar aable haiñ agar nazr haañ vo haiñ to ye haiñ muñh-phaT

mirā fasāna to har ahd kā fasāna hai
ki lafz lafz mohabbat kā mājrā niklā

ai mehrbān dasht-e-mohabbat chale chalo
apnā to pā-e-shauq salāsil meñ rah gayā

ham ne bhī mohabbat ko tirī taaq pe rakkhā
abrū jo sū-e-ġhair hilāyā to huā kyā

kyuuñ na ho terī mohabbat se munavvar jaan o dil
sham.a jab raushan huī ghar meñ ujālā kar diyā

kis muñh se kareñ un ke taġhāful kī shikāyat
ḳhud ham ko mohabbat kā sabaq yaad nahīñ hai

ho na dushman ko mohabbat se sarokār kabhī
koī duniyā meñ kisī ko na kare pyaar kabhī

manzil-e-zīst kahāñ manzil-e-maqsūd 'vaqār'
ik surayyā-e-mohabbat kā talabgār huuñ maiñ

mohabbat ke muqābil aa ga.ī hai dostī yaaro
udhar maiñ ho nahīñ saktā jidhar hone kī ḳhvāhish hai

koī rasta koī manzil ise dushvār nahīñ
jis jagah chāho mohabbat ke sahāre jaao

ham to miTTī se ugā.eñge mohabbat ke gulāb
tum agar toḌne jaate ho sitāre jaao

maut se khel ke karte ho mohabbat 'ājiz'
mujh ko Dar hai kahīñ be-maut na maare jaao

nahīñ bachtā hai bīmār-e-mohabbat
sunā hai ham ne 'goyā' kī zabānī

kyā un se uTh sakeñgī mohabbat kī saḳhtiyāñ
jo paañv rāh-e-ishq meñ phailā ke rah ga.e

tum mohabbat kā use naam bhī de lo lekin
ye to qissa kisī haarī huī taqdīr kā hai