English
Favourite
Favourite
UrduShayarUrduShayar
Expand menu
Sign inAccount

Tags-Mohabbat

mohabbat ke hāthoñ hue zulm kyā kyā
ga.e jaan se naujavāñ kaise kaise
Ghazal
 hue ishq mein imtihan kaise kaise
sharāb-e-mohabbat ko ai zāhido tum
burā gar kahoge to achchhā na hogā
Ghazal
 jahan mein abhi yun to kya kya na hoga
ab shikva-e-fareb-e-mohabbat na kījiye
ham bhī kisī kī aañkh ke taare nahīñ rahe
Ghazal
 afsos kya jo hum bhi tumhaare nahin rahe
dil ko thā ibtidā-e-mohabbat meñ jin pe naaz
vo apnī zindagī ke sahāre nahīñ rahe
Ghazal
 afsos kya jo hum bhi tumhaare nahin rahe
fasāne yuuñ to mohabbat ke sach haiñ par kuchh kuchh
baḌhā bhī dete haiñ ham zeb-e-dāstāñ ke liye
Sher
 fasane yun to mohabbat ke sach hain par kuchh kuchh
vo tā.irān-e-mohabbat jinheñ falak na milā
uḌaan bhar na sake aur Daal se bhī ga.e
Ghazal
 nigah se bhi gae arz-e-haal se bhi gae
ham se to na hogī kabhī is tarah mohabbat
jo had se guzarne pe gunahgār bhī kar de
Ghazal
 KHamosh bhi rah jae aur izhaar bhi kar de
sham-e-harīm-e-lam-yazalī thā gulū-e-shāh
tārīk shab meñ jaise huvaidā ho nūr-e-māh
Marsiya
 aamad aamad haram-e-shah ki darbar mein hai
masrūf haiñ kuchh itne ki ham kār-e-mohabbat
āġhāz to kar lete haiñ jaarī nahīñ rakhte
Ghazal
 ye to nahin farhad se yari nahin rakhte
dilbarī jazb-e-mohabbat kā karishma hai faqat
kuchh karāmat nahīñ jaadū nahīñ e.ajāz nahīñ
Ghazal
 bazm-e-ijad mein be-parda koi saz nahin
khoī khoī haiñ dhaḌkaneñ dil kī
phir mohabbat kī ibtidā kahiye
Ghazal
 ab wo kahte hain muddaa kahiye
nikal ke kū-e-mohabbat se so.e daar chale
hamāre saath na kyuuñ mausam-e-bahār chale
Ghazal
 kuchh is ada se safiran-e-nau-bahaar chale
tumhārī yaad sahī qurbat-e-badan na sahī
kisī tarah to mohabbat kā kārobār chale
Ghazal
 kuchh is ada se safiran-e-nau-bahaar chale
mohabbat meñ shāyad kamī rah hī jaatī
agar tū gale lag ke royā na hotā
Ghazal
 agar bij rangon ka boya na hota
kyā ma.āl-e-dahr hai merī mohabbat kā ma.aal
haiñ abhī lākhoñ fasāne muntazir āġhāz ke
Sher
 kya maal-e-dahr hai meri mohabbat ka maal
ham jise apnī zabāñ se bhī na kahne paa.eñ
vo mohabbat kā bayāñ ho ye zarūrī to nahīñ
Ghazal
 gham-e-dil ruKH se ayan ho ye zaruri to nahin
raah par muḌ ke kyuuñ mujhe dekhā
kī mohabbat kī ibtidā tū ne
Ghazal
 raaz apna jo kah diya tu ne
kuchh aisā zamāne ne badlā hai pahlū
kisī ko kisī se mohabbat nahīñ hai
Ghazal
 kisi ka unhen pas-e-ghurbat nahin hai
nasīboñ se miltā hai dard-e-mohabbat
ye vo chiiz hai jis kī qīmat nahīñ hai
Ghazal
 kisi ka unhen pas-e-ghurbat nahin hai
mohabbat hī ḳhudā-e-lam-yazal mālūm hotī hai
isī ko to baqā hāsil hai is duniyā-e-fānī meñ
Ghazal
 shikayat bewafai ki na kar duniya-e-fani mein
Top Urdushayar.com