Tags-Mohabbat

harīm-e-nāz-o-niyāz meñ kyaa, maze mohabbat ke pā rahā huuñ
fasāna-e-aish sun rahā huuñ fasāna-e-ġham sunā rahā huuñ

sirāt-e-husn-e-talab meñ mujh ko añdherī rātoñ kā ġham nahīñ hai
tirī mohabbat kī raushnī meñ qadam maiñ apnā baḌhā rahā huuñ

chup huuñ tumhārā dard-e-mohabbat liye hue
sab pūchhte haiñ tum ne zamāne se kyā liyā

nā-qābil-e-bayāñ haiñ mohabbat kī lazzateñ
kuchh dil hī jāntā hai jo dil ne mazā liyā

roz-e-azal paḌī thī hazāroñ hī nemateñ
ham ne kisī kā dard-e-mohabbat uThā liyā

us galī se mujhe mohabbat thī
us galī se hī vaar aayā hai

armān hai jinhoñ ko ve ab kareñ mohabbat
ham to hue pashīmāñ dil ke ta.iiñ lagā kar

jaan jaane ko hai aur raqs meñ parvāna hai
kitnā rañgīn mohabbat tirā afsāna hai

tamām din kī mashaqqat-bharī takān ke ba.ad
tamām raat mohabbat se phir jagā.ūñ use

vo pās-e-adab vo ḳhulūs-e-mohabbat
vafūr-e-tamannā meñ ḳhāmosh rahnā

tirī chashm-e-pur-nam vo mas.ūd saa.at
yaqīñ ban gayā jab gumān-e-mohabbat

vo tūfān-e-jazbāt-o-zor-e-tamannā
vo josh-e-mohabbat vo pur-shauq bāteñ

tum ne dī hai vo mohabbat meñ daġhā kyā jaano
pyaar ko kaise milī maat tumheñ kyā ma.alūm

kyā batā.ūñ tujhe maiñ qaid-e-mohabbat kyā thī
dast-o-pā ko mire zanjīr-o-rasan yaad nahīñ

sukūñ hai hamnavā-e-iztirāb āhista āhista
mohabbat ho rahī hai kāmyāb āhista āhista

nashāt-e-ārzū ḳhvāb-e-tamannā dard-e-mahrūmī
mohabbat ne uThā.e sab hijāb āhista āhista

'ravish' rāz-e-mohabbat aaj bhī hai rāz-e-lā-yanhal
ġhalat sābit hue saare javāb āhista āhista

is tarah satāyā hai pareshān kiyā hai
goyā ki mohabbat nahīñ ehsān kiyā hai

kartā thā shahr meñ jo mohabbat se guftugū
ma.alūm hai kisī ko vo pāgal kahāñ gayā

aa dāġh-e-mohabbat ke sāñche meñ tujhe Dhālūñ
ḳhātam se maiñ kahtā huuñ dirham se nahīñ kahtā