Tags-Mohabbat

vo kāmyāb-e-mohabbat haiñ jo tire dar se
ḳhud apne aap ko nā-kāmyāb le aa.e

daar hī bantī hai ai dil zīna-e-merāj-e-ishq
ḳhvāb-e-āġhāz-e-mohabbat kī yahī tābīr hai

ham to āsān samajhte the ki rasta kam thā
is masāfat meñ mohabbat kā ilāqa kam thā

aap ko ham se mohabbat bhī to ho saktī hai
aur mohabbat meñ ḳhasāra bhī to saktā hai

vafā iḳhlās qurbānī mohabbat
ab in lafzoñ kā pīchhā kyuuñ kareñ ham

ki jis meñ mohabbat zarūrī nahīñ hai
mujhe vo ibādat zarūrī nahīñ hai

maiñ be-intihā chāhtā huuñ usī ko
kare vo mohabbat zarūrī nahīñ hai

mohabbat se hī jaan letā hai aksar
kisī se adāvat zarūrī nahīñ hai

dhokā thā nigāhoñ kā magar ḳhuub thā dhokā
mujh ko tirī nazroñ meñ mohabbat nazar aa.ī

qahr kī kyuuñ nigāh hai pyāre
kyā mohabbat gunāh hai pyāre

shak bhī kis par mirī mohabbat par
jis kā tū ḳhud gavāh hai pyāre

āġhāz-e-mohabbat meñ maze dil ne uḌaa.e
pūchhe to koī rañj bhī anjām ke uTThe

tirī fazā-e-mohabbat ho ḳhush-gavār itnī
nafas nafas se ḳhulūs-o-vafā kī bū aa.e

dil ne jazbāt-e-mohabbat se ziyā paa.ī hai
merī tanhā.ī bhī ik anjuman-ārā.ī hai

bas vahī bahr-e-mohabbat kā shanāvar niklā
jis ne tūfāñ se ulajhne kī qasam khaa.ī hai

kahte haiñ jal ke ġhair mohabbat se 'dāġh' kī
māshūq us ke paas vafādār hī rahā

yaaro kahāñ tak aur mohabbat nibhā.ūñ maiñ
do mujh ko bad-duā ki use bhuul jā.ūñ maiñ

mohabbat kyuuñ mohalle-bhar se kar leñ
hameñ to ek ham-sā.ī bahut hai

kisī se laḌā.eñ nazar aur jheleñ mohabbat ke ġham itnī fursat kahāñ
uThā.eñ kisī māh-paikar hasīna ke jaur-o-sitam itnī fursat kahāñ

mere sāñsoñ meñ machaltī hai hinā kī ḳhushbū
terī nau-ḳhez mohabbat kī nishānī jaise