Tags-Mohabbat

aa gayā dil jo kahīñ aur hī sūrat hogī
log dekheñge tamāshā jo mohabbat hogī

urūs-e-gītī samajh ke us ko zalīl hargiz na muñh lagāve
ilāhī aqd-e-mohabbat us se ye jis ne merā bañdhā chhuḌāyā

taaki na banūñ phir kahīñ ik banda-e-majbūr
haañ qaid-e-mohabbat se yahī soch ke bhāgā

āñkhoñ meñ abhī tak hai ḳhumār-e-ġham-e-jānāñ
jaise ki koī ḳhvāb-e-mohabbat se hai jaagā

shikast-e-sāz-e-mohabbat se sozish-e-ġham se
har ek āriz-e-gulgūñ se shabnam-ālūda

vo mohabbat jo ḳhushī kī ruuh thī
chashma-e-āzār ho kar rah ga.ī

mirī tumhārī mohabbat hai shohra-e-āfāq
kise haqīqat-e-māh-o-katāñ nahīñ ma.alūm

mohabbat pe shāyad zavāl aa rahā hai
ki ab zindagī kā savāl aa rahā hai

ham jabr-e-mohabbat se gurezāñ nahīñ hote
zulfoñ kī tarah terī pareshāñ nahīñ hote

bichhḌe huoñ ko bichhḌe huoñ se milā.e hai
har samt eid jashn-e-mohabbat manā.e hai

chun liyā maiñ ne to phir apnī mohabbat kā ḳhudā
us ko ab bhī hai gumāñ merā ḳhudā ho goyā

jo dilbar kī mohabbat dil se badle
to luuñ ummīd-e-lā-hāsil se badle

tahī-dast-e-mohabbat to bhī samjho
jo jam-sāġhar ko jām-e-gil se badle

kal chhupā rakhte the ḳhud se bhī mohabbat apnī
aaj aa.e haiñ tujhe daaġh dikhāne tere

koī ḳhudā-e-mohabbat ko bā-ḳhabar kar de
maiñ ḳhud ko ishq meñ qurbān karne vaalā huuñ

tamīz-e-hijr-o-visāl is maqām par bhī hai
hisāb-e-rāh-e-mohabbat meñ garche haal meñ haiñ

usī se mujh ko mohabbat usī se nafrat bhī
maiñ us ta.alluq-e-ḳhātir ko naam kyā detā

badan-e-yār ye sab rañg tire apne haiñ
yā kisī dast-e-mohabbat ke lagā.e hue haiñ

ajiib soz se labrez haiñ mire naġhme
ki sāz-e-dil hai mohabbat kī choT khaa.e hue

tū mohabbat meñ yūñhī jaan gañvā baiThegā
jā chalā jā ki tirī jaan nahīñ chāhtā maiñ