Tags-Mohabbat

ghar bhī hai ghar meñ sabhī apne bhī haiñ
haañ mohabbat kī magar ḳhvāhish na kar

maanā ki mohabbat kā chhupānā hai mohabbat
chupke se kisī roz jatāne ke liye aa

dil merā bhar aayā ba-ġham-e-tark-e-mohabbat
ḳhālī thā magar jaam chhalaktā nazar aayā

jab dard mohabbat kā mire paas nahīñ thā
maiñ kaun huuñ kyā huuñ mujhe ehsās nahīñ thā

na.ī zamīn nayā āsmāñ na.ī duniyā
sunā to hai ki mohabbat ko in dinoñ hai farāġh

jo tohmateñ na uThīñ ik jahāñ se un ke samet
gunāhgār-e-mohabbat nikal ga.e be-dāġh

diloñ meñ dāġh-e-mohabbat kā ab ye aalam hai
ki jaise niiñd meñ Duube hoñ pichhlī raat charāġh

hai bas-ki har ik un ke ishāre meñ nishāñ aur
karte haiñ mohabbat to guzartā hai gumāñ aur

tark-e-ulfat se mohabbat kā likhā miT na sakā
vahī afsurdagī-e-shām-o-sahar aaj bhī hai

ik tirī yaad se yādoñ ke ḳhazāne nikle
zikr terā bhī bhī mohabbat ke bahāne nikle

kuchh yaad haiñ āġhāz-e-mohabbat kī vo bāteñ
aur bhūlne vaale yahī paimān-e-vafā thā

kin manziloñ luTe haiñ mohabbat ke qāfile
insāñ zamīñ pe aaj ġharīb-ul-vatan sā hai

ye bhī hai ek tarah kī mohabbat
maiñ tujh se tū mujh se judā hai

rag rag meñ nizām-e-fitrat kī raqsāñ hai mohabbat kī bijlī
ho laakh tazād azdād meñ bhī ik rābta bāham hotā hai

ruuh bechain hai ik dil kī aziyyat kyā hai
dil hī sho.ala hai to ye soz-e-mohabbat kyā hai

rahī dil kī dil meñ zabāñ tak na pahuñchī
mohabbat kī duniyā bayāñ tak na pahuñchī

jo nazm bhī hai mohabbat kī nazm lagtī hai
ki jism-o-jāñ meñ mohabbat javāñ hai koī sune

ye tūfān-e-havādis aur talātum baad o bārāñ ke
mohabbat ke sahāre kashti-e-dil hai ravāñ ab tak

kahīñ par zikr un kā bhī na aa jaa.e isī Dar se
vo rūdād-e-mohabbat ham ko dohrāne nahīñ dete

nigah-e-nāz na milte hue ghabrā ham se
ham mohabbat nahīñ kahne ke shanāsā.ī ko