Tags-Mohabbat

us ne yuuñ arz-e-mohabbat pe sambhal kar dekhā
us ke dil ko to ḳhabar ho na gumāñ ho jaise

jab tum se mohabbat kī ham ne tab jā ke kahīñ ye raaz khulā
marne kā salīqa aate hī jiine kā shu.ūr aa jaatā hai

uThā Daale saare hijābāt maiñ ne
sharāb-e-mohabbat se maḳhmūr ho kar

na dil rahe na mohabbat rahe na dard rahe
chalo akele meñ mil kar ye faisla kar leñ

ye nafrat mohabbat kā radd-e-amal hai
ki mujh se taqāzā tire jaur kā hai

rasm-e-mohabbat 'shā.ir' ham ko chaltī huī talvār banī
jis ko banāyā ham ne apnā us ne hamīñ par vaar kiyā

yahāñ tak aa to ga.e aap kī mohabbat meñ
ab aur kitnā gunahgār karnā chāhte haiñ

sukūn paane lagā huuñ ġham-e-mohabbat meñ
kahāñ ga.iiñ mirī be-tābiyāñ nahīñ ma.alūm

sitāre chup haiñ ki chaltī hai tez tez havā
ye raat apnī mohabbat kī raat bhī to nahīñ

mo.ajiza ashk-e-mohabbat kā dikhāyā tū ne
ek qatra se ye tūfān uThāyā tū ne

jo paatā lazzat bisān-e-mastāñ mai-e-mohabbat se terī zāhid
to ḳhānqa se nikal ke apnī vo mai-kade meñ qayām kartā

maiñ zinda huuñ hisār-e-behisī meñ
mohabbat kī na.ī tafsīr huuñ maiñ

mujhe ronā nahīñ āvāz bhī bhārī nahīñ karnī
mohabbat kī kahānī meñ adākārī nahīñ karnī

suud baḌhtā gayā sāñsoñ kā hamāre uupar
ham mohabbat meñ tirī qarz se kaale hue haiñ

merī mohabbat chāhtī hai mīnāre ghar ke shivāloñ ke
kuchh bāteñ makke vāloñ kī kuchh qisse banaras vāloñ ke

use maiñ kyuuñ mohabbat se na dekhūñ
vo merā pahlā pahlā pyaar Thahrā

tajraba hai hameñ mohabbat kā
dil hasīnoñ se pyaar kartā hai

havādis kī havāoñ ne ghaTā dī lau mohabbat kī
diye maddham se hote jā rahe haiñ bazm-e-jānāñ ke

koī to aa.e jo ham ko jagā.e ġhaflat se
ki ham bhī uTh ke sañvāreñ tujhe mohabbat se

mohabbat jazba-e-īsār se parvān chaḌhtī hai
ḳhulūs-e-dil na ho to dostī se kuchh nahīñ hotā