Tags-Mohabbat

sunte aa.e haiñ mohabbat hai ibādat ai dost
kabhī hañs-bol ke baiTho to ibādat bhī rahe

mohabbat bhī huā kartī hai dil bhī dil se miltā hai
magar phir aadmī ko aadmī mushkil se miltā hai

mohabbat jab maza detī hai dil jab dil se miltā hai
magar mushkil yahī hai dil se dil mushkil se miltā hai

ye ḳhud-sarī yā sharārat usī kā hissa hai
vo koī khel mohabbat meñ hārtā hī nahīñ

dil koī chiiz nahīñ terī mohabbat ke baġhair
maiñ to samjhā thā ġham-e-ishq ko mehmāñ apnā

tah kar chuke bisāt-e-ġham-o-fikr-e-rozgār
tab ḳhānqāh-e-ishq-o-mohabbat meñ aa.e haiñ

kho ke ḳhud ko tirī mohabbat meñ
be-ḳhudī be-panāh paa.ī hai

-jāda-e-manzil-e-mohabbat meñ
dil ne sau baar choT khaa.ī hai

aql ma.azūr hai mohabbat meñ
ye na jaane bhalā-burā kyā hai

chhalak rahā hai tire dil kā dard chehre se
chhupā chhupā ke mohabbat ko dāstāñ mat kar

dil mirā aTkā hai chashm-e-yār se
hai mohabbat mardum-e-bīmār se

jo chāhte ho so kahte ho chup rahne kī lazzat kyā jaano
ye rāz-e-mohabbat hai pyāre tum rāz-e-mohabbat kyā jaano

alfāz kahāñ se lā.ūñ chhāle kī Tapak ko samjhā.ūñ
iz.hār-e-mohabbat karte ho ehsās-e-mohabbat kyā jaano

bas ye āshob mohabbat kī davā hai 'bāliġh'
marg-e-āsān kī tamannā ho qazā ho ki na ho

bād-e-nafrat phir mohabbat ko zabāñ darkār hai
phir azīz-e-jāñ vahī urdu zabāñ hone lagī

sho.ala jo maujzan hai mohabbat kā dil meñ aaj
Dar hai ki sarsar-e-ġham-e-daurāñ bujhā na de

bechain kiye rakhtī hai har aan ye dil ko
kam-baḳht mohabbat ke bhī āzār bahut haiñ

bikhar rahī hai mohabbat kī raushnī har sū
uḌā rahā hai koī sūrat-e-ġhubār mujhe

ġhair shāista-e-ādāb-e-mohabbat na sahī
ham tire hijr ke āzār meñ mar kab ga.e haiñ

agar mohabbat ke case meñ ho hamārī peshī
hamārī maano to apne dil ko vakīl karnā