Tags-Mohabbat

to phir maiñ sochtā huuñ ruuh kī pākīzgī kyā hai
mohabbat jab mujhe apnā badan mahsūs hotī hai

sāhil ke talabgār ye pahle se samajh leñ
dariyā-e-mohabbat ke kināre nahīñ hote

bharā hai zahr dil meñ kis ne tere bol de itnā
asar aisā mohabbat ke nagar bhī ho ga.e patthar

kī tark-e-mohabbat to liyā dard-e-jigar mol
parhez se dil aur bhī bīmār paḌā hai

ishq bhī hāmil-e-āyāt-e-mohabbat na rahā
chashm-e-pur-āb nahīñ zaḳhm se dil chuur nahīñ

safā.ī hai bāġh-e-mohabbat meñ aisī
ki bād-e-sabā ne bhī tinkā na dekhā

maiñ mohabbat ke sitāroñ se nikaltā huā nuur
haq-o-nāhaq ke libādoñ meñ chhupā ek shu.ūr

zaḳhm bigḌe to badan kaaT ke pheñk
varna kāñTā bhī mohabbat se nikāl

mohabbat kā diloñ se hai
vahī dil

mohabbat jis ke andar hai
mohabbat kā hasīñ rishta vahī hai darmiyāñ apne

ilāhī jazb-e-mohabbat meñ de asar itnā
kaleja thaam le vo bhī jo be-qarār huuñ maiñ

uftād tabī.at se is haal ko ham pahuñche
shiddat kī mohabbat meñ shiddat hī ke ġham pahuñche

vo mohabbat kā ta.alluq ho ki nafrat kā 'nadīm'
rābte ziist ko ḳhalvat nahīñ banñe dete

Dartā huuñ mohabbat meñ mirā naam na hove
duniyā meñ ilāhī koī badnām na hove

jānte haiñ ham mohabbat-āzmā.ī ho chukī
aao lag jaao gale bas ab laḌā.ī ho chukī

mohabbat meñ sukūñ mahrūmiyoñ ke ba.ad aatā hai
ki jab har aasrā miT jaa.e tab dil chain paatā hai

ham ahl-e-dil ne me.ayār-e-mohabbat bhī badal Daale
jo ġham har fard kā ġham hai usī ko ġham samajhte haiñ

āġhāz-e-mohabbat meñ barsoñ yuuñ zabt se ham ne kaam liyā
jab huuk kaleje meñ uTThī to hāthoñ se dil thaam liyā

insān kī thī ye tāb-o-tavāñ jo bār-e-mohabbat uThā saktā
ek ye bhī hai ehsān tirā kyā us se tū ne kaam liyā

ġham-e-duniyā-o-dīñ un ko na fikr-e-nek-o-bad un ko
mohabbat karne vaale be-niyāz-e-besh-o-kam nikle