English
Favourite
Favourite
UrduShayarUrduShayar
Expand menu
Sign inAccount

Tags-Mohabbat

kahā maiñ ne mirī āñkhoñ meñ paanī hai
javāb aayā mohabbat kī nishānī hai
Ghazal
 kaha maine meri aankhon mein pani hai
kahā maiñ ne mohabbat mehvar-e-hastī
javāb aayā balā-e-nā-gahānī hai
Ghazal
 kaha maine meri aankhon mein pani hai
kahā maiñ ne sitam itnā nahīñ achchhā
javāb aayā mohabbat āzmānī hai
Ghazal
 kaha maine meri aankhon mein pani hai
kahā maiñ ne ki dekh in surḳh āñkhoñ meñ
javāb aayā mohabbat āsmānī hai
Ghazal
 kaha maine meri aankhon mein pani hai
kyā burī shai hai mohabbat bhī ilāhī tauba
jurm-e-nā-karda ḳhatā-vār bane baiThe haiñ
Ghazal
 ham-nashin un ke taraf-dar bane baiThe hain
jo mohabbat ke buzurgoñ ne jalā.e the diye
paap kī tez havāoñ se vo ab bujhne lage
Nazm
 aisi manaen holi
hind ko aaj mohabbat kī zarūrat hai 'kañval'
aaj har shaḳhs ko ulfat kī zarūrat hai 'kañval'
Nazm
 aisi manaen holi
na māh-rū na kisī māhtāb se huī thī
hameñ to pahlī mohabbat kitāb se huī thī
Ghazal
 na mah-ru na kisi mahtab se hui thi
yuuñ hai ki ta.āqub meñ hai āsā.ish-e-duniyā
yuuñ hai ki mohabbat se mukar jā.eñge ik din
Ghazal
 wo log jo zinda hain wo mar jaenge ek din
bure māhaul se guzrā hai ye dil
mohabbat lafz se hī kāñptā hai
Ghazal
 gharaz paDne pe us se mangta hai
nahīñ fāriġh maiñ ba.ad-az-marg bhī soz-e-mohabbat se
mirā ḳhuuñ dāman-e-qātil meñ hogā daaġh juuñ laalā
Ghazal
 KHuda shahid buto do-jag se ye sauda hai nirwala
dekhā thā kabhī ham ne mohabbat kā janāza
baaqī hai agar kuchh to dikhā kyuuñ nahīñ dete
Ghazal
 tum achchhe masiha ho dawa kyun nahin dete
kar leñge har ik manzil-e-dushvār ko sar ham
ik jaam mohabbat kā pilā kyuuñ nahīñ dete
Ghazal
 tum achchhe masiha ho dawa kyun nahin dete
mohabbat kā hogā asar rafta rafta
nazar se milegī nazar rafta rafta
Ghazal
 mohabbat ka hoga asar rafta rafta
tere ḳhvāboñ meñ mohabbat kī duhā.ī dūñgā
jab koī aur na hogā to dikhā.ī dūñgā
Ghazal
 tere KHwabon mein mohabbat ki duhai dunga
ye paiham talḳh-kāmī sī rahī kyā
mohabbat zahr khā ke aa.ī thī kyā
Ghazal
 ye paiham talKH-kaami si rahi kya
mujhe ab tum se Dar lagne lagā hai
tumheñ mujh se mohabbat ho ga.ī kyā
Ghazal
 ye paiham talKH-kaami si rahi kya
mohabbat meñ hameñ pās-e-anā thā
badan kī ishtihā sādiq na thī kyā
Ghazal
 ye paiham talKH-kaami si rahi kya
mish.al-e-rāh-e-mohabbat haiñ mire naqsh-e-qadam
jin pe chal kar manziloñ tak aaj rahbar aa ga.e
Ghazal
 aainon mein aks bin kar jin ke paikar aa gae
na kyuuñ hogī mirī bār-āvrī phir dekhne laa.eq
mohabbat kī mahaktī ḳhaak meñ boyā gayā huuñ maiñ
Ghazal
 dikhati hai jo ye duniya wo baiTha dekhta hun main
Top Urdushayar.com