Tags-Mohabbat

agar dasht-e-talab se dasht-e-imkānī meñ aa jaate
mohabbat karne vaale dal pareshānī meñ aa jaate

ye mohabbat hai ise garmī-e-bāzār na kar
laakh vahshat sahī aisā to mire yaar na kar

kis tarah chhoḌ duuñ ai yaar maiñ chāhat terī
mere īmān kā hāsil hai mohabbat terī

maiñ 'fanā' ho ke pahuñch jā.ūñgā tere dar tak
raah dikhlāne lagī mujh ko mohabbat terī

rasta bhī kaThin dhuup meñ shiddat bhī bahut thī
saa.e se magar us ko mohabbat bhī bahut thī

haiñ ġharq-e-bahr-e-mai-e-mohabbat vahāñ hai 'kaifī' ye sab kī hālat
hai daḳhl saaqī kī bazm meñ kyā surāhī-o-sāġhar-o-subū kā

dhuup meñ us kī mohabbat kā ḳhayāl
abr jaise mire sar par aayā

hazāroñ dukh paḌeñ sahnā mohabbat mar nahīñ saktī
hai tum se bas yahī kahnā mohabbat mar nahīñ saktī

tirā har baar mere ḳhat ko paḌhnā aur ro denā
mirā har baar likh denā mohabbat mar nahīñ saktī

kiyā thā ham ne campus kī nadī par ik hasīñ va.ada
bhale ham ko paḌe marnā mohabbat mar nahīñ saktī

purāne ahd ko jab zinda karne kā ḳhayāl aa.e
mujhe bas itnā likh denā mohabbat mar nahīñ saktī

vo terā hijr kī shab phone rakhne se zarā pahle
bahut rote hue kahnā mohabbat mar nahīñ saktī

ga.e lamhāt fursat ke kahāñ se DhūñD kar lā.ūñ
vo pahroñ haath par likhnā mohabbat mar nahīñ saktī

mohabbat se bharā hai dil kā dariyā
magar pāyāb likhnā chāhtā huuñ

vo mohabbat kā mujāhid vo muravvat kā shahīd
kal kā 'saulat' abhī zinda mire afkār meñ hai

pairv-e-maz.hab-e-mohabbat huuñ
dekhtā kuchh huuñ dhyān meñ kuchh hai

lailā ne ḳhud qarār diyā hai vafā ko jurm
majnūñ ne vo kitāb-e-mohabbat paḌhī nahīñ

shab kī bahār sub.h kī nudrat na pūchhiye
kitnā hasīñ hai ḳhvāb-e-mohabbat na pūchhiye

dil ko na hogī tāb-e-ġham-e-be-tavajjohī
lillāh dāstān-e-mohabbat na pūchhiye

mayassar ḳhud nigah-dārī kī āsā.ish nahīñ rahtī
mohabbat meñ to pesh-o-pas kī gunjā.ish nahīñ rahtī