Tags-Mohabbat

yuuñ hasratoñ ke daaġh mohabbat meñ dho liye
ḳhud dil se dil kī baat kahī aur ro liye

kitnī mohabbat kartā hai vo kaise kaheñ gar pūchh le koī
so a.adād-o-shumār kī ḳhātir zaḳhm-shumārī kar lete haiñ

itnā maal kahāñ ki dukāñ bāzār-e-mohabbat meñ le paa.eñ
chhoTā-moTā kārobār-e-tah-bāzārī kar lete haiñ

mohabbat kī kahānī maiñ ne likkhī
vagarna ye to bas ik vāqi.a thā

sahīfa-e-ġham-e-hastī kā jab huā thā nuzūl
to mujh pe soz-e-mohabbat kā baab utrā thā

roz-o-shab kis liye rahtā huuñ ilāhī betāb
na to goroñ se mohabbat na mujhe kāloñ se

tum se kyā kyā kahūñ mohabbat meñ
mujh ko kyā kyā nazar nahīñ aatā

pyaar mohabbat hamdardī ke rishte the insānoñ meñ
dil vāloñ ko ab ye duniyā zindāñ hotī jaatī hai

ḳhudā se kyā mohabbat kar sakegā
jise nafrat hai us ke aadmī se

muddat ho ga.ī sāz-e-mohabbat khol de ab ye raaz
vo merī āvāz haiñ bāñhoñ meñ un kī āvāz

bas na farmāte phiro ye 'sheftā'
go unheñ tum se mohabbat ho ga.ī

bhaḌak uThā hai alaav tumhārī furqat kā
nahīñ hai tum pe asar phir bhī kyuuñ mohabbat kā

is ahd meñ ilāhī mohabbat ko kyā huā
chhoḌā vafā ko un ne muravvat ko kyā huā

dekhne aa.e the vo apnī mohabbat kā asar
kahne ko ye hai ki aa.e haiñ ayādat kar ke

de diyā dil jis ko ham ne de diyā
ho ga.ī jis se mohabbat ho ga.ī

unheñ bharosa do zindagī kā jinheñ mohabbat hai zindagī se
ajal ke ham naqsh-e-pā pe chal kar fanā kī had se guzar rahe haiñ

ik adāvat se farāġhat nahīñ miltī varna
kaun kahtā hai mohabbat nahīñ kar sakte ham

fursat meñ mujhe yaad bhī kar lījiye ik din
ye arz mohabbat kī alāmat to nahīñ hai

ne kashish ma.ashūq meñ paatā huuñ nai āshiq meñ jazb
kyā balā aa.ī mohabbat kā asar jaatā rahā

ḳhushā ye nisbat-e-husn-o-mohabbat
jahāñ baiThe nazar aa.e hamīñ ham