Tags-Mohabbat

ye tum jo mere liye ḳhvāb chhoḌ aa.ī ho
tumheñ jagāyā to hogā mirī mohabbat ne

maiñ jis ko pahle pahal dil-lagī samajhtā thā
mujhe to maar diyā is na.ī mohabbat ne

ye apne apne nasīboñ kī baat hai varna
kisī ko 'mīr' banāyā isī mohabbat ne

ye jism-o-jān ye nām-o-numūd hasb-o-nasab
ye saare vahm the izzat to dī mohabbat ne

mohabbat aur ibādat meñ farq to hai naañ
so chhīn lī hai tirī dostī mohabbat ne

maiñ ne pūchhā mohabbat unheñ mujh se hai
chup rahe muskurā.e ġhazal ho ga.ī

dil ke dariyā ne kināroñ se mohabbat kar lī
tez bahtā hai magar kam nahīñ hone paatā

nihatte aadmī pe baḌh ke ḳhanjar taan letī hai
mohabbat meñ na paḌ jaanā mohabbat jaan letī hai

sar-e-maqtal bikhar jaate haiñ is meñ Dūbne vaale
mohabbat har qadam par ḳhuun kā tāvān letī hai

ḳhud-bīñ thā mizāj-e-husn magar dāmān-e-mohabbat chhū hī gayā
andāz-e-taġhāful kuchh bhī sahī kuchh un kī nazar farmā hī ga.ī

dil kī ta.amīr ko Dhā kar 'aḳhtar'
vo mohabbat kī binā rakhte haiñ

aalam par jaise chhā.e hoñ mahbūb kī god meñ aa.e hoñ
ab dil kī mohabbat meñ aksar aisī mahviyyat hotī hai

jab hasrat-o-armāñ miT jaa.eñ kuchh aas na ho kuchh yaas na ho
jab maut kī niiñd aa.e dil ko bedār mohabbat hotī hai

istāda jahāñ meñ thā maidān-e-mohabbat meñ
vaañ rustam agar aatā to dekh ke Tal jaatā

kabhī to iqbāl-mand hogī mirī mohabbat
nahīñ hai imkāñ koī magar māntā nahīñ huuñ

mohabbat ek tarah kī nirī samājat hai
maiñ chhoḌūñ huuñ tirī ab justujū huā so huā

karam kaisā sitam se bhī na vo begāna ho jaa.e
maiñ Dartā huuñ mohabbat meñ kahīñ aisā na ho jaa.e

mohabbat to mohabbat hī hai sāhab
kahūñ us ko burī kyā aur bhalī kyā

us taraf apnī mohabbat kī kahānī hogī
ye havā bū-e-vafā le ke jidhar jā.egī

koñpleñ pyaar aur mohabbat kī
pattiyāñ ban ke sarsarātī haiñ