Tags-Mohabbat

mohabbat ke safar meñ be-ruḳhī se choT lagtī hai
jise ham pyaar karte haiñ usī se choT lagtī hai

mohabbat naam hai ġham-peshgī kā
havas is raaz kī mahram nahīñ hai

tū dard-e-mohabbat kā talabgār azal se
tū mehr-o-muravvat kā parastār azal se

zāhir kī mohabbat se muravvat se guzar jā
bātin kī adāvat se kudūrat se guzar jā

islām to mehr aur mohabbat kā bayāñ hai
iḳhlās kī rūdād-e-muravvat kā bayāñ hai

terī nazar kī ḳhair ho kitne hī aa.ine
TuuTe hue paḌe haiñ mohabbat kī raah meñ

zabt to asl hai mohabbat kī
ġham jatāne ke ba.ad kaisā ishq

kal siyāsat meñ bhī mohabbat thī
ab mohabbat meñ bhī siyāsat hai

muāmla hai tirā badtarīn dushman se
mire aziiz mohabbat se kaam lenā hai

shauhar kī nazar hasrat se bharī uThtī hai to ḳhud jhuk jaatī hai
ehsās-e-mohabbat kī duniyāñ us manzar se tharrātī hai

ishq meñ 'mīr' ke ādāb na barto ki yahāñ
kaam chaltā nahīñ ailān-e-mohabbat ke baġhair

dil-e-muztar meñ jaltī ek hasrat aur rakhnī hai
mujhe tāq-e-junūñ meñ ik mohabbat aur rakhnī hai

un ko jo shuġhl-e-nāz se fursat na ho sakī
ham ne ye kah diyā ki mohabbat na ho sakī

pā-bos kī bhī ham ko ijāzat na de sake
itnī bhī tum se qadr-e-mohabbat na ho sakī

ḳhāmoshiyoñ kā rāz-e-mohabbat vo pā ga.e
go ham se arz-e-hāl kī jur.at na ho sakī

'hasrat' tirī nigāh-e-mohabbat ko kyā kahūñ
mahfil meñ raat un se sharārat na ho sakī

chale to zarā dūr-e-jām-e-mohabbat
farishte bhī taqlīd-e-insāñ kareñge

kuchh log gulāboñ kī sūrat kāñToñ se guzāra karte haiñ
mahrūm-e-mohabbat ho kar bhī vo pyaar kī bāteñ karte haiñ

jiitī huī bāzī-e-mohabbat
khelā huuñ to maat ho ga.ī hai

aisā toḌā thā mohabbat meñ kisī ne dil ko
jab kisī shīshe meñ baal aayā to dil kaañp gayā