Tags-Mother

jahāñ bhī jā.ūñ maiñ vo dasht ho ki dariyā ho
duā.eñ maañ kī chaleñ saath pāsbāñ kī tarah

ruḳhsār haiñ ziyā meñ qamar se ziyāda-tar
jin par Thahar sakī na kabhī shams kī nazar

qurbāñ kamān-e-abrū-e-maulā pe jaan o dil
gar māh-e-nau kaheñ to hai tashbīh mubtazil

ham rahe bad-duā se sadā be-asar
ham ko maañ kī duā āsmānī milī

kal jise ghar se uThā le ga.ī ḳhākī vardī
aaj māñ-bāp use shamshān liye jaate haiñ

kis shafqat meñ guñdhe hue maulā maañ baap diye
kaisī pyārī rūhoñ ko merī aulād kiyā

maiñ ne maañ kā libās jab pahnā
mujh ko titlī ne apne rañg diye

maañ ne tāvīz bhī bāñdhā mire baazū pe magar
phir bhī sar se na ye saudā-e-mohabbat utrā

ishq itnā thā ki mahfūz kahāñ rakhte ham
aur maañ baap ne baste meñ kitābeñ rakh diiñ

hai aadmī hazāroñ kā aur ek paa.ī kā
aadhā hai apnī maañ kā to aadhā hai daa.ī kā

mujhe zarā sā burā kah diyā to is se kyā
vo itnī baat pe maañ baap se laḌī huī hai

karoge mujhe dafn to yuuñ lagegā
ki maiñ maañ kī godī meñ hī so gayā huuñ

javāb aayā shernī
merī sharīk-e-hayāt mere bachchoñ kī maañ

agnī maañ se bhī na jiine kī sanad jab paa.ī
zindagī ke na.e imkān ne lī añgḌā.ī

'faiz' yatīm-o-bekas se ye pūchhoge
maañ ke āñchal kā hotā hai konā kyā

ai maañ ye merī shohrateñ merī ye izzateñ
kuchh bhī nahīñ hai bas tire qadmoñ kī dhuul hai

hukm-e-mādar ko maiñ tabdīl karūñ
maañ kī nafrat bharī āñkhoñ se kahīñ duur chalā jā.ūñ maiñ

ism-e-āzam
bahut achchhā huā thā maañ ne mirī

jahāñ huā tifl koī paidā kahā ye maañ ne abul-bashar kī
mirī bhī āġhosh hai kushāda abas ye sāmān ho rahe haiñ

kalām-e-haidarī kī nazr
maañ kabhī martī nahīñ hai