Tags-Mother

vo mahbūba se biivī ban na jaa.e
mirī maañ ko pasand aa.ī bahut hai

ek kuttā jhāḌiyoñ meñ lā-vāris nau-maulūd bachche kī hifāzat kar rahā thā
ek maañ apne nanhe bachche ke gaal par kājal kā Tiika lagā rahī thī

maañ kā duudh paapā kā pyaar
yahī to thā merā sansār

maañ paapā bahut ḳhush the mere aane par
na jaane kyuuñ phir daada daadī kā chehra nahīñ khilā thā

sasurāl thā ab merā nayā ghar ghar jaisā nahīñ thā yahāñ kuchh par
maañ baap bhaa.ī nahīñ the idhar the to bas saas sasur devar

phir ek ghaḌī aisī aa.ī sab chīzeñ ho ga.ī parā.ī
unhīñ maañ baap ne to phir kar dī merī purvā.ī

hujūm-e-yās meñ maañ kī duā miltī rahī hai
ye daulat zindagī meñ bārhā miltī rahī hai

mirī maañ kī duāoñ kā 'samīna' mo.ajiza dekho
mire pairoñ meñ aate hī bhañvar taqsīm ho jaa.e

mirī mohabbat meñ saarī duniyā ko ik khilaunā banā diyā hai
ye zindagī ban ga.ī hai maañ aur mujh ko bachcha banā diyā hai

ho sakegā dard sar kā kam tabhī
god meñ rakh kar jo maañ de thapkiyāñ

tum bhale kitnā bhī us ko kos lo
māmtā meñ maañ na khole hai zabāñ

kar le ḳhidmat ab to tū maañ baap kī
aur bas kuchh roz haiñ ye jism-o-jāñ

shahr meñ aa kar paḌhne vaale bhuul ga.e
kis kī maañ ne kitnā zevar bechā thā

dhuup shiddat kī thī chal paḌā raah meñ
maañ kā āñchal mirā aasrā ho gayā

duāoñ meñ jinheñ maañ baap yaad hī na rakheñ
amīr-e-vaqt hoñ lekin ġharīb hote haiñ

āġhāz bhī usī kī ziyārat ke saath ho
ho bhī safar tamām to maañ kī duā ke saath

bhalā kyā fā.eda ab qabr pe aañsū bahāne se
agar māñ-bāp kī pahle duā lete to achchhā thā

kal apne-āp ko dekhā thā maañ kī āñkhoñ meñ
ye ā.īna hameñ būḌhā nahīñ batātā hai

ki maañ ḳhvāb meñ māthā sahlā rahī thī
Darūñ kyā maiñ ab bad-duā bad-nazar se

rote dekhā thā maañ ko bachpan meñ
ab vo aañsū rulā rahe haiñ mujhe