Tags-Murder

qatl kā hukm hī sahī lekin
hai jo us ke gale meñ ras mat pūchh

qatl hote haiñ yahāñ nāra-e-elān ke saath
vaz.a-dārī to abhī ālam-e-saffāk meñ hai

gar qatl-e-be-gunāh thā manzūr yaar ko
marne pe apne maiñ bhī to tayyār hī rahā

jise maiñ qatl kar ke ḳhush huā thā
har ā.īna vo sūrat ho ga.ī hai

maiñ aap kamar-basta huuñ ab qatl pe apne
bin yaar hai jiine se mirā bas ki ḳhafā jī

qatl ko qatl jo kahte haiñ ġhalat kahte haiñ
kuchh nahīñ zill-e-ilāhī kī ye nādānī hai

ham qatl ho ga.e nahīñ tujh ko ḳhabar hanūz
bāñdhe phire hai ham pe miyāñ tū kamar hanūz

qatl-e-āshiq kā jo hotā hai irāda us ko
pahle dekhe hai ḳhar o gaav pe talvār kā kaaT

rishvateñ rahzanī Dakaitī qatl
lag ga.ī shahr ko havā kaisī

makāñ jale haiñ makīnoñ ke qatl-e-ām ke ba.ad
mahak lahū kī umañDte dhuāñ se aatī hai

dam-e-qatl koī jo bol uThā to ḳhajil ho kyā vo ḳhafā huā
use tum ne zab.h abas kiyā ye tumhārā shukr-guzār thā

kis qatl meñ matlūb hue shahr ko ham log
kyoñ karne lage apnī guzar aur basar chup

koī bolā na qatl meñ mere
mohr kī thī magar dahānoñ par

kar qatl mujhe un ne aalam meñ bahut DhūñDā
jab mujh sā na kui paayā jallād bahut royā

ai 'muhib' jurm-e-mohabbat ke sivā aalam meñ
qatl-e-āshiq hī sunā hai ba-gunāhe gaahe

chhupā ke paan ye kis ke liye lagāte ho
hamāre qatl kā beḌā kahīñ uThāte ho

mujhe sub.h ko qatl kar vo masīhā
jo ghar apne farḳhanda farjām aayā