Tags-Murder

qatl kartī hai guftugū un kī
baat meñ baat kī safā.ī hai

ai but ye hai namāz ki hai ghaat qatl kī
niyyat adā kī hai ki ishāre qazā ke haiñ

qatl karne kī vo jaldī thī tumheñ
ab taḌapnā nahīñ dekhā jaatā

qatl karte haiñ apnī hastī kā
aur phir iid kar ke dekhte haiñ

kis din unhoñ ne sīdhī tarah ham se baat kī
ulTī hamāre qatl pe kab āstīñ nahīñ

be-gunāhāñ kuuñ na kar Daalo qatl
aah kuuñ tīr-e-havā.ī na karo

ye bahāna hai mire qatl pe raazī nahīñ tiir
ġhul machātī hai kamāñ hāthoñ ko phailā.e hue

sitam ki teġh-e-qalam deñ use jo ai 'majrūh'
ġhazal ko qatl kare naġhme ko shikār kare

ḳhūn-e-dil de kar ufuq rañgīn kar jaatī hai raat
raushnī hone se pahle qatl ho jaatī hai raat

qatl-e-ushshāq unheñ madd-e-nazar rahtā hai
nīmcha āTh-pahr zeb-e-kamar rahtā hai

insāniyat ko qatl kiyā jaa.e is liye
dair o haram kī aaḌ meñ maqtal haiñ aaj bhī

jo ḳhanjar-ba-kaf qatl-gāhoñ meñ thā
vahī vaqt ke sarbarāhoñ meñ thā

kiyā hai be-jurm qatl mujh ko hujūm-e-aġhyār-o-āshnā meñ
aur is pe dekho DhiTā.ī ashkoñ se dāman apnā bhigo rahe haiñ

shab kī dahlīz par shafaq hai lahū
phir huā qatl āftāb koī

rizq kī machhlī kī ḳhātir qatl kar dete haiñ log
ho sake to apnā sab kuchh dūsroñ meñ baañT do

qatl ho kar bhī subukdoshī kahāñ
teġh kā gardan pe ehsāñ rah gayā

sabhī ne dekhā hai qatl hote magar koī boltā nahīñ hai
mujhī ko yārab zabān de kar ye vāqi.a chashm-dīd kar de

samajh rahā thā muhāfiz jise maiñ barsoñ se
mujhī ko qatl karegā ye ehtimāl na thā

ishq-e-dandāñ kī ḳhatā par qatl jo mujh ko kiyā
is liye shamshīr-e-qātil meñ bhī dandāna huā

apne shahsavāroñ ko
qatl karne vāloñ se