Tags-Murder

lazzat-e-qatl kyā kahūñ qātil
chāTtī hai lahū chhurī merā

dāman pe koī chhīñT na ḳhanjar pe koī daaġh
tum qatl karo ho ki karāmāt karo ho

chārāgar se ho nahīñ saktā ġharībī kā ilaaj
ab ġharīboñ hī kā qatl-e-ām honā chāhiye

chāhtā huuñ ki qatl kar duuñ ise
vaar lekin jab is pe kartā huuñ

vīrāñ sī is navāh meñ aatā hī kaun thā
ābād kar diyā hai ise qatl-gāh ne

varna dil khol ke lag jaao gale se pyāre
go ki ham qatl hī karne ke sazā-vār hue

is meñ hairāñ haiñ ki kyā aisī huī hai taqsīr
qatl karne ke ta.iiñ phirte ho tayār hue

phir ujāloñ kā ḳhuuñ huā shāyad
qatl-gāhoñ meñ baT ga.ī hai raat

jise harīf samajh kar kiyā hai qatl 'niyāz'
vo aabrū thā usī be-navā gharāne kī

vahī uThā.e mujhe jis ne mujh ko qatl kiyā
ki behtar is se mire ḳhuuñ kā intiqām nahīñ

ham qatl kab hue ye patā hī nahīñ chalā
andāz thā ajab ki vo ḳhanjar ajiib thā

pyaas ke hāthoñ mirā qatl huā hai 'nomān'
dost dariyā the magar paas na aayā koī

niklegī ab na hasart-e-qatl ai nigāh-e-yās
qātil ko rahm aa gayā mujh par ġhazab huā

thā qasd-e-qatl-e-ġhair magar maiñ talab huā
jallād mehrbān huā kyā sabab huā

mujh pe koī ho gayā hai mehrbāñ
qatl kā ab apne sāmāñ ho gayā

kyuuñ iltijā-e-qatl se kījiye unheñ satañg
jab vaqt aa gayā to vo tāḳhīr kar chuke

na koī tujh ko bachā.egā qatl hone se
paḌheñge log janāza bhī ġhā.ebāna tirā

ye jo jhāñktī hai nafas nafas koī mauj-e-ḳhūñ sī uThī huī
bane zindagī kī na qatl-gah kahīñ vahshatoñ kī talāsh meñ

baat karte vo qatl kartā hai
baat bhī jis se kī nahīñ jaatī

hai baat baḌī jaan mirī kaam to aa.ī
vo qatl mujhe kar ke pashemāñ bhī nahīñ thā