Collections

Lab Shayari

Motivational Ghazals

Best Khamoshi Shayari

More Collections

Tags-Murder

pukāroñ kyuuñ na maiñ ''he dost he dost''
ki har shab qatl kī hai raat tum bin

mera dil nahin hai mere hat tum bin

qatl se mere vo jo baaz rahā
kisī bad-ḳhvāh ne kahā hogā

qatl se mere wo jo baz raha

teġh khīñchī hai qatl par mere
haath mujh se uThā.e baiThe haiñ

aaj mehndi lagae baiThe hain

gāliyāñ de maar le yā qatl kar muḳhtār hai
laa.ī ab to yaañ mujhe be-iḳhtiyārī khīñch kar

aata hun jab us gali se sau sau KHwari khinch kar

husn-e-hayāt ke vo adā-āshnā ki jo
har qatl-gah ko misr kā bāzār kah ga.e

shahidon ko salam

aaj maqtal meñ ḳhabar hai ki charāġhāñ hogā
gar ye sach hai to mire qatl kā sāmāñ hogā

aaj maqtal mein KHabar hai ki charaghan hoga

bastī meñ qatl-e-ām kī koshish na ban sakā
maiñ qātiloñ ke zehn kī sāzish na ban sakā

basti mein qatl-e-am ki koshish na ban saka

ḳhud ko kaise qatl hone se bachātā meñ 'talab'
raat mere ghar meñ ik qātil thā aur mehmān bhī

ye junun ke marke itne nahin aasan bhi

qatl ko maiñ kahā to uTh bolā
aaj kal sub.h-o-shām hotā hai

jis jagah daur-e-jam hota hai

teġh-e-abrū kā jo bosa de to de
varna zālim qatl kar talvār se

subha se matlab na kuchh zunnar se

saikḌoñ haath mire qatl meñ Thahre haiñ sharīk
ek do hoñ to koī baat samajh meñ aa.e

ye takalluf ye mudaraat samajh mein aae

ho mere qatl meñ qātil kī bhī marzī shāmil
shor-o-ġhul ḳhuub rahe āh-o-baqā ho ki na ho

rasm-e-ulfat se hai maqsud-e-wafa ho ki na ho

dushmanoñ kī mire auqāt kahāñ thī itnī
sāzish-e-qatl meñ shāmil thā mirā bhaa.ī bhī

ras aai na mujhe anjuman-arai bhi

hañs hañs ke vo mujh se hī mire qatl kī bāteñ
is tarah se karte haiñ ki goyā na kareñge

hans hans ke wo mujhse hi mere qatl ki baaten

be-takalluf is qadar thā qatl merā kar diyā
vo adū hotā to 'kāvish' mujh se Dartā aur kuchh

aur hoti meri ruswai nikharta aur kuchh

kaafī hai ik ishāra-e-abrū tirā hameñ
kuchh āshiqoñ ke qatl ko shamshīr shart hai

tujh ishq ke mariz ki tadbir shart hai

har roz hoñge qatl ke sāmāñ na.e na.e
har shaam hogī shām-e-ġharībāñ kahā na thā

rukti nahin hai gardish-e-dauran kaha na tha

nādim to haiñ vo qatl pe arbāb-e-vafā ke
lekin sar-e-fihrist haiñ kuchh naam abhī tak

faizan-e-mohabbat na hua aam abhi tak

teġh-bāzī kā shauq apnī jagah
aap to qatl-e-ām kar rahe haiñ

apne sab yar kaam kar rahe hain

un ke bhī qatl kā ilzām hamāre sar hai
jo hameñ zahr pilāte hue mar jaate haiñ

dasht mein pyas bujhate hue mar jate hain