Tags-Naaz

kiye tum ne jo zulm vo maiñ ne sahe mirī āñkhoñ se barsoñ hī ashk bahe
koī ġhamza-o-ishva ab uTh na rahe tumheñ apne hī nāz-o-adā kī qasam

mirā naam jo yaar hai pūchh rahā maiñ batā duuñ tujhe jo laqab hai mirā
mujhe kahte haiñ kushta-e-nāz-o-adā tire ġhamza-e-hosh-rubā kī qasam

terī sūrat kā jo ā.īna use paatā huuñ maiñ
apne dil par aap kyā kyā naaz farmātā huuñ maiñ

yahāñ tak to mujhe dast-e-karam par naaz hai un ke
agar ab haath phailā.ūñ to phailāyā nahīñ jaatā

ijāzat bāzyābī kī na de vo pāsbāñ shāyad
na pahuñche ḳhvāb-gāh-e-nāz tak merī fuġhāñ shāyad

Dūbne ko to Duube magar naaz hai
ahl-e-sāhil ko ham ne pukārā nahīñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

naaz baḌhtā gayā baḌhte ga.e juuñ juuñ gesū
balki lene lage ab zulf o kamar donoñ saath

us ne pherī nigah-e-nāz ye ma.alūm huā
khiñch gayā siine se tiir aur jigar donoñ saath

ho barā-e-shām-e-hijrāñ lab-e-nāz se farozāñ
koī ek sham-e-paimāñ koī ik charāġh-e-va.ada

dast-e-qudrat ko naaz hai ham par
vaqt ke shāhkār haiñ ham log

naaz kyā is qadar aarzī husn par
shahryāroñ ke sikke badalte bhī haiñ

ḳhāk-e-āshiq rokne ko duur tak lipTī ga.ī
jab samand-e-nāz ko vo garm-jaulāñ le chalā

ḳhūn-e-nāhaq kī hayā bolī zarā muñh Dhāñk lo
naaz jab un ko sar-e-ḳhāk-e-shahīdāñ le chalā

nāz-e-āzādī 'hasan' vaj.h-e-asīrī ho gayā
mū-kashāñ dil ko ḳhayāl-e-zulf-e-paimāñ le chalā

mātam-e-rañj-o-alam ġham haiñ baham chāroñ ek
sitam-o-jaur-jafā nāz-o-sanam chāroñ ek

aish-o-ishrat ke sadā ḳhvāb dikhātā thā use
ġhamza-o-nāz se 'barqī' ko lubhāne vaalā

nigah-e-nāz se is chust qabā ne dekhā
shauq betāb gul-e-chāk-e-garebāñ samjhā

kuchh dard ke maare haiñ kuchh naaz ke haiñ paale
kuchh log haiñ ham jaise kuchh log haiñ tum jaise