Tags-Naaz

sukūt-e-nāz ne iz.hār kar diyā jis kā
vo ek baat thī pairāya-e-bayāñ se alag

kis naaz kis adā se nasīm-e-sahar chalī
bū kī tarah ravāñ huī misl-e-nazar chalī

mirī tishna-kāmī savālī hai jis kī
kabhī to vo 'naināñ' ba-sad-nāz aa.e

saarī duniyā se be-niyāzī hai
vaah ai mast-e-nāz kyā kahnā

mahfil-e-kaun-o-makāñ terī hī bazm-e-nāz hai
ham kahāñ jā.eñge is mahfil se uTh jaane ke ba.ad

nigah se chashm se nāz-o-adā se
ḳhudā mahfūz rakkhe har balā se

sambhal kar zarā nāz-o-aġhmāz kiije
hasīnoñ kī duniyā meñ qillat nahīñ hai

shanāvarī pe jinheñ naaz thā vo Duub ga.e
mire liye to sahārā banā talātum bhī

shahīd-e-nāz yuuñ hī surḳh-rū ho
shafaq muñh par ho dāman par lahū ho

jo aap apnī hī pasmāndagī pe naaz kare
maiñ ḳhud nahīñ to ye tarz-e-ma.āsh kis kī hai

le ke harīm-e-nāz us ke shīrīñ shīrīñ naġhmoñ ko
'daurāñ' kī tauqīr baḌhā.e insāñ kitnā pyārā hai

mujh be-navā ke naaz uThā.e vo nāznīñ
sultān aur kāvish-e-qurb-e-gadā kare

tire nāz-o-adā ko tere dīvāne samajhte haiñ
haqīqat sham.a kī kyā hai ye parvāne samajhte haiñ

jis kī adā adā pe ho insāniyat ko naaz
mil jaa.e kaash aisā bashar DhūñDte haiñ ham

kahāñ kā faḳhr kaisā naaz man-ānam ki man-dānam
magar jo rab se paayā hai mujhe arzāñ nahīñ lagtā

kabhī maiñ zindagī kī nāz-bardārī na kar paayā
hamesha biich meñ haa.il rahā ik ḳhvāb

maiñ chalā aayā tirā husn-e-taġhāful le kar
ab tirī anjuman-e-nāz meñ rakkhā kyā hai

use zid ki 'vāmiq'-e-shikva-gar kisī raaz se na ho bā-ḳhabar
mujhe naaz hai ki ye dīda-var mirī umr bhar kī talāsh hai

ziyāñ thā naaz mata-e-hunar pe ai 'manzūr'
ye chiiz chashm-e-zamāna meñ arjumand na thī

phir ishq kī nazar meñ hai māshūqiyat kā naaz
phir husn-e-dil-navāz se shīr-o-shakar haiñ ham