Tags-Naaz

dekho kyā ho ki vaañ hai nāz-e-ġhurūr
maiñ ye ahvāl-e-ḳhasta huuñ yārab

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

nigāh-e-nāz kā hāsil hai e'tibār mujhe
havā-e-shauq zarā aur bhī nikhār mujhe

maujūd the abhī abhī rū-posh ho ga.e
a mast-e-nāz tum to mere hosh ho ga.e

sadā hī naaz thā tujh pe mujhe ai dost merī jaañ
kiyā kyuuñ vaar dil pe hī 'adhar' bhī ho ga.e patthar

naaz tum ko hai jafā par to vafā par ham ko
tum agar kuchh ho mirī jaan to ham bhī kuchh haiñ

ḳhirām-e-nāz aur un kā ḳhirām-e-nāz kyā kahnā
zamāna Thokareñ khātā huā mahsūs hotā hai

chūmne daar ko kis dhaj se chalā hai koī
aaj kis naaz se maqtal meñ qazā aatī hai

vaqt kī raushnī pe naaz na kar
vaqt ke ruḳh badal bhī jaate haiñ

ham pārsā haiñ phir bhī tire dast-e-nāz se
mil jaa.e koī jaam to inkār bhī nahīñ

phir 'zakī' dil ko ye tamannā hai
ham se nāz-o-adā kare koī

mujhe apnī biivī pe faḳhr hai mujhe apne saale pe naaz hai
nahīñ dosh donoñ kā is meñ kuchh mujhe DāñTtā koī aur hai

nāz-o-andāz dil dikhāne lage
ab vo fitne samajh meñ aane lage

Darātā kyā dil-e-sarkash ko ehsās-e-sazā lekin
laraz jaatā hai nām-e-afv se nāz-e-ḳhatā-kārī

sulag rahī huuñ abhī bhī magar mazā hī nahīñ
sarāb-e-nāz ġhamoñ kī agan badalnā to

naaz har but ke uThā paa.e na 'jāfar-tāhir'
chuum kar chhoḌ diye ham ne ye bhārī patthar

hotī haiñ josh-e-ishq meñ jo jo shikāyateñ
kahtā hai naaz se vo but-e-sīm-tan durust

bāryāb-e-ḳhvāb-gāh-e-nāz hone do use
un kī zulfoñ meñ pareshāñ ḳhud sabā ho jā.egī

karne kuuñ qatl āshiq-e-jāñ-bāz ke sanam
le teġh-e-nāz haath kamar rakh kaTār chal

karūñ naaz qismat pe jitnā bhī kam hai
kanakhiyoñ kī terī adā dekh lī hai